! حيّرتي ها الطفلة عمري

الله ربي يا عينيا  *  حيّرتي ها الطفلة عمري

جفات ها و دَرتها بيّا  *  تلعب و تقول هذا قدري

نهزّ يدّي لسماك العالية  *  نطلبك يا رحمان تشفي ضرّي

أرواح ها البختي ها خويا  *  أرجى و سعدني في غربي

الله ربي يا عينيا *  حيّرتي ها الطفلة عمري

تمشي و تقول هذا قدري *  ترجى في الساعد و مكتوبي

في الطالح تقول و ما تخبّي *  و الصالح بعيد عن مرغوبي

في الطمعة تدّي و تجبي *  هذا الكل و ما تحمد ربّي

الله ربي يا عينيا * حيّرتي ها الطفلة عمري

ترجى و تقول ها مكتوبي  *  راني كلّي ليك ها حنّوني

اقبلني نبدّل عيوبي  *  نرضيك انعتّلك افنوني

نوفي لك نا بعهودي  *  و تشوف الصحّ ها مضنوني

الله ربي يا عينيا  *  حيّرتي ها الطفلة عمري

نخزر و نزيد في المرايا  *  و نقول ها حالي و تحوالي

نخمّم واش درّة في حشايا  *  ريقها في فمي يحلا لي

ها البختي راك شفت القضية  *  ريّح ما تكون لغبي لا تبالي

الله ربي يا عينيا * حيّرتي ها الطفلة عمري

قلت نايا نرجعو سويا  *  نقضو العمر بلا امحاني

نزهاو و نشوفو الدنيا هنيا *  البندير و الرقص و التفناني

بالفرحة و الدنيا زهية *  و تقول هذا و الله زهواني

 

الله ربي يا عينيا  *  حيّرتي ها الطفلة عمري

رعدة لغزال

توفيق ومان

منشورات

ANEP 2003

ص : 19 ـ 20