ليت كنت مثلك أنا
يا من سلّم للشيوخ و كَالا
ريت الشبان كالعوارم يشطحوا
و يغنّوا بغنا النسا زهو وتكَصار
نترك سوق لحيا و لسرار نفضحوا
1...
¤
و يا ما ريت أنا
ريت الشبان
إلا كتبوا ما يمحوا
أسماس قْصايد الميساجات
ما تكوي ما تكمّد كيّات
داروا خرصات
راهم في ليعات
اقلي و اقلب آ بّا
غوص تفهمو هيهات
راهم ينسّوا ف الدمرات
واش يسّلكوا م التلْفات
¤
الديجتال و المحكَن ما نلومو
لبحر لمقلّب موجو
لازم لو عوّامو
كَمح و شعير
الكيّالة اختلفوا
كلّ زمان بناسو
و لو فصّاحو
التمور شلّى
بقات ف الذّو
علاه
الحرث ما يكون
لاّ بمحراث الخشبة
ف زمان الشبكة كَولوا
¤
يا بن حرّاث حكّم لعقل
تفصل شيخي ما تحصل
¤
من قصيدة عين بّا دحّو للشيخ أحمد بن حرّاث - 1
¤
Aucun commentaire:
Enregistrer un commentaire