كازا انت بمّاليك
و انا ميلّي شَبْري
سيدْ لَحْواسي راويهْ
¤
قيليني كازا العار عليك
اللّي ما جبتو نجيبو ليك
نمشي راني مضرار
دْوايَ نوّار الصبّار
ودّرتو ف الدوّار
¤
طريق الليلة
طويلة حرشة
بالشوق ترطاب
ترجع امتار
صباحنا يكون ف بَركان
بهجة و انوار
اطلبوا معايَ يا حضّار
نوّصلوا بلا ضرار
¤
مكتوبة في الدار البيضاء
3 commentaires:
يا ربـي تقـلـع .. من كازا ف لأمان
و ان شاء الله بخير .. توصـل ال بركان
يا للي مسافر لبركان
تمشي وتوصل في لمان
وسلم لي على العين والحاسي
وللي علينا يسقسي
لخوت و لحباب لصحاب
الميلود وعبدالكريم
والزغلي وولد تنسان
وكول ليهم خوكم الهيمان
توحش جلسه وصينية تاي ف كيسان
:-)
ما زالني ف كازا يا لخوان
...
فاتني الباكور هاذ العام
Enregistrer un commentaire