كارت سيجور...عبد الله المكانة

كارت سيجور

نظم : محمد السهول

غناء : عبد الله المكَانة

Abdelah El Magana

*

هذي قصية * يا ناس صْرات بيَّا

شوفوا الدنيا * ما بقاش فيها لمان

البنات صفوف * شوفوا الجيل المكشوف

لّي فايت يشوف * البنت تخرج عريان

يكموا الدخان * فعلوا افعال الشيطان

وما دّير ديوان * تايهة ف البلدان

و ما دّير راجل * تظلّ غ تتكصول

اسمع آ العاقل * حوّست ميريكان

مشات للروس * شوفوا الجيل المنحوس

شحال جابت فلوس * بّاها يعشّي فرحان

بنات لو دار * غار منّهْ الجار

ما بقاش مشرار * الشيخ شاهده بالعيان

عندها السيجور * الرجال قعدت دّور

قطعوا البحور * ما صابشي حتّى الدخان

ركبو السفير * ما صابشي كيف إدير

البنت دبّرت خير * الترّاس ما عندو شاي

داروا ملاكات * مّاتهم كهّنات

نسيتوا الممات * لا بد لكم من لكفان

داروا مشالي * صبّاط طالو عالي

جايّة تشالي * شاربة لانيزات

شارب الروج * شوفوا الجيل المرهوج

البنات بزّوج * مّاتهم سحّارات

تدّيك للدار * موجّدة لك عقّار

ما جايب خبار * ما طايب ف الكَاميلات

موجّدة جرانة * شوف ذ الكهّانة

ما فيها حنانة * حارقة كتّانات

مخّ ضبعون * موكّلهْ لحبنون

ما يشوفشي وين * غ عندها يا سادات

مسمّحاه ف بّاه * محال يقعد معه

شحال ربّاه * و خنّثو ف الكسوات

يكسيه ف العيد * يجيب بالي و جديد

يقول زاد لي وليد * لعقايبي يا سادات

يجيب بالدّين * يرفد بالكريدي مسكين

كي كبر وين * عزلوه هاذ الخودات

شوفوا لحالو * دار الشراب قبالو

لّي جا يسالو * ما يفرّز هدرات

***تفريغ شخصي عن أسطوانة من 45 لفّة