23/06/2009

! ألْمو يا جار فوغالْ

Beni Znassen Tarnant Foughal
Zegzel زكَزل
¤
¤
من عينك نْجيب كلام عْقار لَشْعار
ألْمو يا جار فوغالْ
بين لَزهارْ سرحات لَنْظار
جبالي جبالي غابك راج عرعار
عشابك نسّاتْ لَتعابْ
¤
زيزلْ وادي
ماذا فيه مْزاحْ و احجار
فيه نسوح تبرى قروحي
ما احلى ما الحاسي
ميلّي راح راسي
ليها زاد شوقي
كي نكَول آ حْبابي
خضرا مْهوّلني
من فزوان هاتوا الشّافي
¤
16.04.2009 الدار البيضاء

21/06/2009

أمثال من تونس

الأمثال العامية التونسية و ما جرى مجراها
محمد الصادق الرزقي
1874-1939
تحقيق و تعليق الدكتور محمد الطاهر الرزقي
دار سحر للنشر تونس الطبعة الأولى
¤
يحتوي هذا الكتاب على 1460 مثل، غالبها من مدينة تونس العاصمة ... اخترت منها ما يلي
¤
اللّي ما يقرا العواقب ما إيلو في الدهر صاحبْ
لسانك صوّانك إن صنتو صانك و إن هِنتو هانك
ملّسْ من طينكْ يصبحْ لِك إذا ما جا بُرمة يجي كسكاسْ
يا لاهي بهمّ الناس همّك يا مْشومْ أكداسْ

08/06/2009

زين الكلام


زين الكلام
هشام لمغاري
دار الآفاق المغربية للنشر و التوزيع
الدار البيضاء الطبعة 4
مارس 2009
صورة الغلاف : ساحة جامع الفنا مراكش
¤
أمثال متداولة في المغرب روعيت في توثيقها لهجة وسط المغرب، و لهجة أهل مراكش، و لهجة فاس
أسهم جمهور برنامجين إذاعيين في تجميعها، و إرسالها إلى معدّ الكتاب
...
اخترت لكم منها ما يلي
¤
البحر ما يطمع فالسواقي
بغى يولّي زبيب قبل ما يكون عنب
الحرث المغشوش خطوطو خسارة
داير عقلو فالتراب و باغي يوصل للسحاب
جيني و نجيك الموت اللّي تدّيني تدّيك

06/06/2009

الصوت


هدا صوت ابلادي
يهتف وينادي
ويكول يا اولادي
حالي ما هو حال
¤
بعد ما اجفاني لخليل
صار حالي اسقيم واعليل
من كترة لغدر و تدبير الهبالى
ما انفع ابخور لحكيم
ولا اكلام الكوالى
تهمش الزعيم و غابوا الرجالا
لا تامن لا تصدق من كال
صوتوا على جيم و دال
من ا سقامها تشفى لمدينة
في داك اليوم الموعود
اغبر صالح و هود
أبدات الروينة
ضحكت و ابكات لمدينة
على مول لعجينة
و معشوق الورقة الزينة
سمعو الغاشي الوعود و اكلام الخير
و رقص ابشير مع الغيطة و البندير
¤
احصات لمدينة لصوات
ولولوا لعيالات و لبنات
و املاوا الشوارع بلغوات
كالوا سعدنا
ازمان الظلام فات
دازت لسنين و ليام
مازال لمدينة غارقة في ظلام
والناس عايشة في لوهام
حتى كالوا النسا في لخيام
هدا ازمان الزواق والنفاق
فسدت لقلوب و لدواق
واتخلطوا لحروف و لوراق
¤
لمدينة من صمتها خرجت
و بلسانها تكلمت و نطقت
¤
يا اولادي
نوصيكم وصايا
من تكمل لحكايا
تظهر البدايا
و تتكرر النهايا
¤¤

عبد المجيد الرزوقي

03/06/2009

هذا كلامي وهو علامي

Reggada عين الرقادة
¤
¤
َطعامي وشرابي
ياعشاقي حلال
ولكَلاس بجنبي وناس
مافيه ملال
وكتابي كَول واحد
ما فيه كَوال
عسل حر صافي
ما يقبل تخلال
شكك فيَّ ياخليلي وهم وظن
ولاَّ حب وغِيره ودلال؟
نيتك غي صفيّ
وانا تسال نوفي
وكل ماي ورضاي تنال
هذا كلامي
وهو علامي
نـبغيك وتبغيني
لا تكون بحال شي منهم
شكاك بعكاك
عشاق وملاَّل
¤