¤
غربة طويلة و طوالَه بابها
و امحانها كلّ نهار تزيد
غربة صعيبة ما اصعب نْيابها
يا ويح من جاه وطنهْ بعيد
فرقة و متّن قلبي نشّابها
و الوحش حمّى على راس حديد
ويلي بلادي ما صبت حنانها
خلّيت ناسي و ضحيت وحيد
جاتني بريّة تجرح بكلامها
يا خاوتي لحقت يوم العيد
من كثرة لمحاين بنتي مشتاقه حنانة بوها
زادت بنتي محنتي و الصدّ و الشقا قهروها
النجوم تمحي دمعتي و البنت عزّها في بوها
من العز تلبس قفطان جديد
نرتاح من ذا الغربة و ظلامها
و نلجى لوطني في يوم العيد
نلجى لأرضي ندخل لاحضانها
و نرتاح من السهرة و التنهيد
¤
تفريغ شخصي عن شريط كاسيط
رابح درياسة
رابح درياسة
Aucun commentaire:
Enregistrer un commentaire