منديل حبيبي

*
سوناتا بالعامية

ليس لنا أصدقاء دائمون، و لا أعداء دائمون..بل مصالح دائمة . بالمرسون
*
منديل حبيبي أحمر بلون الورد و الحنّة
منديل حبيبي حرير أشيله من عنيّه
منديل حبيبي يهفهف، له ريحه م الجنّه
منديل حبيبي الجميل..إمتى نتهنّى
*
منديل حبيبي في وسطه نجوم و هلال
و فيه شجر و جناين و دنيا فيها جمال
جمال ينوّر في دنيا ما فيها حتّى خيال
ما فيها إلاّ دهب.. أمّا الجمال فهو زال
*
منديل حبيبي..برضه لسّه في قلبي بذور
بذور بتضرب هنا جوّه في قلبي جذور
و لسّه السما بتطلع فيها نجوم و بدور
و لسّه صاحبك هِنا يخلق هَنا وسرور
*
منديل حبيبي بكره حاييجي في لمحه
و انت ترفرف هِنا في الدنيا م الفرحة
1957
*
أغانى الخبرة والحيرة والبراءة
عبد الوهاب المسيرى

ص :9
دار الشروق ـ القاهرة
ط.1 ـ 2003