NOURA نورة
لو كان حبيبي يولّي * نطعم و ندير سبع وعدات
ندير الكَلاّل و القصب * و نزيد عرسي شيرات
لو كان يسامح و يجي * تولّي لي الدنيا فرجات
يتسلّى القلب الرّازي * و تضوي شمعتي اللّي طفات
راه فكري محيّر مغبون * و القلب مكوي بالجمرات
حالي بقى مشطون * زايد لعذابي ليعات
راني ما زلت ما نسيتك * و نتفكرك إلى الممات
عيني مشتاقة تشوفك * بغيرك ما نرضى هيهات
كي تعود القصبة تصادي * نقول أنا كيّتي برات
نتهنّى يزولوا نكادي * و تضحك عيني اللّي بكات
شعر : محمد لحبيب حشلاف
غناء : نورة
*
تفريغ شخصي عن أسطوانة من 45 دورة
Aucun commentaire:
Enregistrer un commentaire