*
*
نديررايي وعدي * و ما نديرش راي الناس
بالاك يتسكّم سعدي * و نبرى نولّي لاباس
ما يبقاش تالف وعدي * ديما مع القرعة و الكاس
المحنة دّاتني م بلادي * محال نرجع خلاص
نسيت خيمتي و اولادي * وانا كلاتني بلعباس
كلّيوم جاي و غادي * و انت ف المرسيداس
اللّي كواتني يا وعدي * بابها مقابل ليصانص
ما زالني غير نودّي * قلبي جرح بلمّاس
طفلة عماوها حسّادي * و الشيطان يقلب الراس
ما كانش كي اللّي يصبر * و اللّي صبر نال الخير
ربّي عل الملاح يدبّر * وانا نتّاكل عل القدير
مشيت يا بّا نتبسّط * مع رجال لابسة حطّة
غير أنا و هوما فقطّ * احبابي ما بغاوش الخلطة
في وهران بتنا ف الشطّ * ثمَّ نا بغيت الخبطة
الكَلاّل و القصب تنقّطّ * قرعة و كاس زادوا نشطة
ما سكرت ماني خابط * بيَّ غِ مرسول بْطى
ظنّيت راه ف الباب غلط * و لاّ ما جبرش الفرطة
***
تفريغ شخصي عن شريط كاسيط
غناء : الشيخة الريميتي الصغيرة
شعر: شاعر غير مذكور
لكَصاصبية : الحبيب و الباقي
نشر : نجوم الشلف
Aucun commentaire:
Enregistrer un commentaire