شعر : بيرم التونسي
غناء : صالح عبدالحي
ليه يا بنفسج بتبهج * و انت زهر حزين
و العين تتابعك و طبعك * محتشم و رزين
ملفوف و زاهي يا ساهي * لم تبوح للعين
بكلمة منّك كأنّك * سرّ بين اتنين
حسنك في كونك * بلونك بتبهج المقهور
اللّي يزوره سميره * في الظلام مستور
حطّوك خميلة جميلة * فوق صدور الغير
تسمع و تسرق يا أزرق * همسة التنهيد
اسمع و قول لي * مين اللّي قال معايا آه
بقولها وحدي * لوحدي و الأسى هواه
Aucun commentaire:
Enregistrer un commentaire