¤
¤
ربّي تعاون الفلاّحة
الساكَية و اللاّمبة و الليلة
الكَمح مغسول صافي ف الكَعدة
ما ازين الطبكَ و الخبزة
تسلم يدّين مولاة العجنة
¤
علّي لفتيلة
جيب اليشفة
بلادي نرسمها
في كَليبي وشمة
يفرح خاطري
ندير الحفلة
إيلا مشيت تْريفة
سلّم يا شيخي
على احبابي جملة
يا البيضا طلكَيني
نلحكَ اهلي
ف ذيك الركَدة
¤
الدار البيضاء : 12.04.2009
6 commentaires:
اطَّلْكَيهْ يا البيضا اطَّلْكَيهْ
يـجـي لْ وَلْفـــه اطَّـلْكَيهْ
.............
.............
والهيمان ياملويه لويَّه
وعلى جنب تريفا ليمن
بالشويَّا ارميَّه
الغرق لا تخافي عليه
سواكيك والركاده
كانوا معلميه
في انتظار الأمسيات الصيفية، تقبّلا تشكراتي و تحياتي
الهيمان يا الهيمان
توحشناك بزاف في أبركان
كَلْسة وحدة ف فزوان
ولّى طلعة كَاع لْ تينسان
..................
مْعكم زين الكَول بْ لَكْمال
لا تنسى آ شيخ تْجي مع جمال
....................
وشكون ينسى جلسه
معاكم ف صباح ومسا
ب مقهى الربيع ف بركان
ولاَّ ف مركب السياحه ف فزوان
وذيك الركبه ف الطاكسي والطوبيس
واخَّا العرق والحمان مع الحسران
ساعه وحدة مع لصحاب ولـخُّوت
تسوى ما فات م لعمر والزمان
راني لاّ ف مدينة الدخان
ما نشوف نوّار الرمّان
بين بركان و فزوان
حطّني يا العالي يا منّان
Enregistrer un commentaire