¤
¤
صدري ف البيضا قريب راشي
نمشي ف طريق اسلافي
يرتاح بالي
نجيك على اقدامي
جبل فوغال يا العالي
نبكّر ما نكَول ما زال الحال
إغْزر وّ مْغار غِ بْدات لجبال
خرّوبة المنزل سامحينا
علّ الدخان و رماد لتاي
لَعشاب لّي دوا لضرّي
بغيرها ما تحيا انظامي
¤
إيلا خانتني اركابي
جْبالي نجيها باخيالي
الكلام راه حْجاري
بنّاي به اشعاري
ما يفهم ريح العرعار
يا كَوّالي
غير من هُو بالشوق داري
4 commentaires:
يَحْسَنْ عَوْنَكْ...
...وعوني انا اللي ماكَـَـدّتْشي
> Tinessene :
كلامك، احمد يا كَوّالي
راه فيه معاني
و اللّبيب يفهم انظامي
إيلا خانتني اقدامي
جبالي نجيها بخيالي
كلامي راه احجاري
بنّاي به اشعاري
ريح العرعار ما يفهمو
غِ لّي هو قاري
خاوتي احمد وجمال
اتافقوا وتواعدوا
وباليدين تشادوا
ومشاو لأعز لجبال
شعلوا نار ف طريقهم
قامو أتاي ف بريقهم
ونساو- يمكن!- اخوتهم
للي ما يتشراو ب مال
لله ياخلاني
بحق للي بلاني
كولو لي كيف هي خضرا
والطرشا ذيك العذرا
وإيغزر أومغارُ وفوغال
وب الصحه تحواسكم
والعقبه ل صحابكم
اللي من العشق صابهم
ب ذوك لمراسم ومَّالها لهبال
راه يرعى نجمة فوغال
أحمد اليوم ما طاكَ جبال
الخلاّدي البيضا داتّو
و الهيمان سوّلوا عليه سبو
Enregistrer un commentaire