¤
¤
لله يا الطرشه ياالزينه
يا للي ف حجر جبلنا جنه
حلي وذنيك ل كول وافي لولاد
هجرك راغم و تغرب ف كل بلاد
خضرا بقيتِ بين عينيه
الزمان ايامو و لياليه
ف وقات المنام و لسهاد
ما نساش و ديانك و شعابك
واحبابو و احبابك
ف جنانك شحال دارو ميعاد
ما نساش صبيانك و شبابك
وشيابك وجميع رجالك الامجاد
فيهم شيوخ الحكمه و الكلمه
واصحاب رفاهه و جاه و قيَّاد
كيفاش ينساك ف بعاد وغربه
وف حجرك الدافي تربى
كيفاش ينسى اللمه
كيفاش ينسى لمواسم و لعياد
سمعي يا الطرشه
عمرك ما كنتِ طرشه
غير ما سماوْا عديان و حساد
¤
عبد المالك المومني
Aucun commentaire:
Enregistrer un commentaire