من همّ الدنيا

همّ الدنيا

ديوان زجل

أحمد عزيزي

مطبعة تريفة بركان

ط1 2009

لوحة الغلاف : زكية مركَوم

¤

الشرّ صعيب نْصيحتي بعّدو * قْبل ما يحكم عليك بحكامو

ويلا شفّك و نويت تساعدو * يجرّك للحبس تسكن قدّامو

¤

ص: 12

حين تتكلّم القصبة

©Yamal

الشيخ أحمد ليو و لكَصاصبة * الملتقى الثقافي الثاني * بركان : 23.05.2009

¤

صحّيتْ يا كَصّابي تعرف لُغْتي

¤

إلى محبّي القصبة و إلى الأصدقاء الذين أسعدني لقاؤهم، خلال الملتقى الثقافي الثاني في مدينة بركان

! لاّ كَرّي لي

©Yamal

¤

لاّ كَرّي لي

من ذاك الحاسي واشتى جْبتّي لي

ترابك درّكَ احبابي

طريقك زاد هْبالي

لاّ كَرّي لي

ف الواح صبّاري واشتى اكتبتي لي

بعادك زاد لي سقمي

كي ندير يا تشطاني

لاّ كَرّي لي

ف برقوق صغري واشتى طعمتيني

ف ما الحاسي واشتى درْتي لي

راه زاد لي مرضي

بين احبابي حطّني يا حفّاري

ميلّي ما تنْسايْ تْرشّيني

عن الأحاجي الشعبيّة المغربية

الأحاجي الشعبيّة المغربية

مجالاتها و بنياتها و وظائفها و مقارناتها و خصائصها

أحمد زيادي

أطروحة جامعية لنيل دكتوراة الدولة في الآداب

كلية الآداب و العلوم الإنسانية عين الشق

جامعة الحسن الثاني الدار البيضاء

نوقشت : 22.12.2003

منشورات وزارة الثقافة

عدد الصفحات : 597

ط1 2007

...

المحتويات

تصدير د.عباس الجراري

القسم الأول : مجالات الأحجية الشعبيّة المغربية

ب1: الإنسان معتقِداً و منتِجاً

ب2: مظاهر الحضارة المغربية

ب3: عناصر الطبيعة و مظاهرها
القسم الثاني : فنية الأحجية الشعبيّة المغربية

ب1: بنية الأحجية و تقنياتها و إيقاعها

ب2: وظائف الأحجية و مقارناتها و خصائصها

فضلاً عن فهارس : الآيات القرآنية الكريمة، الأحاديث الشريفة

الأشعار و الأزجال، الأمثال و الأقوال الشعبية، الأعلام

الأماكن، المصادر و المراجع، الموضوعات

...

باختصار، إنّها دراسة توثيقية، وصفية تحليلية، هامّة جدّاً

تفيد دارس الأدب الشعبي و هاويه و تمتعهما معاً

لجدّتها و غزارة المعلومات المرتبطة بالموروث الشعبي الواردة بها

(المعجم العامي، تمثلات البيئة و المجتمع، البلاغة و الجماليّة الشعبيتان )

الطبكَ و اللاّمبة و الكَعدة

©Yamal

¤

¤

ربّي تعاون الفلاّحة

الساكَية و اللاّمبة و الليلة

الكَمح مغسول صافي ف الكَعدة

ما ازين الطبكَ و الخبزة

تسلم يدّين مولاة العجنة

¤

علّي لفتيلة

جيب اليشفة

بلادي نرسمها

في كَليبي وشمة

يفرح خاطري

ندير الحفلة

إيلا مشيت تْريفة

سلّم يا شيخي

على احبابي جملة

يا البيضا طلكَيني

نلحكَ اهلي

ف ذيك الركَدة

¤

الدار البيضاء : 12.04.2009

تحواس لجبال

©Yamal

¤

¤

صدري ف البيضا قريب راشي

نمشي ف طريق اسلافي

يرتاح بالي

نجيك على اقدامي

جبل فوغال يا العالي

نبكّر ما نكَول ما زال الحال

إغْزر وّ مْغار غِ بْدات لجبال

خرّوبة المنزل سامحينا

علّ الدخان و رماد لتاي

على شمالي و على يماني

لَعشاب لّي دوا لضرّي

بغيرها ما تحيا انظامي

¤

إيلا خانتني اركابي

جْبالي نجيها باخيالي

الكلام راه حْجاري

بنّاي به اشعاري

ما يفهم ريح العرعار

يا كَوّالي

غير من هُو بالشوق داري

! الطرشة ما ننسى

©Yamal

الطَّرْشة ما نَنْسى
ف صباحي ومْسا
خْيالي وكَلْبي فيها
بها ولِكْ ولِها
نْغنّي انا فرحان
حْبيبي يا الْهيمان
نْهَوَّد طير مْ تينسان
نْحَلَّق... نْعيش ف سْماها
نْحط ف رْحاب حْبابْها
بحالْها بْحال الركَّادة
البارَحْ اليوم وغدّا
نْكَـُولها نكَـُولْها
زينة زينة
جنة جنة
كل ما فيها
ونَكْسَرْ عْلى فزوان
انا وانت وخْليلي جمال
وما ننساش نصدح موال
ف جراوة مولات البير
سْواكي وجْنانات الخير
وماننساش ميلي..
ميلّي.. و يا حْليلي
...
يا خُّوتي بالله عْليكم
غِي تَحْويسة وَحْدة مْعكم
تكفيني هْموم زْناقي بركان
حْبابيبي جمال و مالك الهيمان..
إيوا كَولوا واه... ونبْـنيوها
نْطيرو جميع نَشَّرْبو مَنْ ماها

أحمد اليعقوبي

! لله يا الطرشه

©Yamal

¤

¤

لله يا الطرشه ياالزينه

يا للي ف حجر جبلنا جنه

حلي وذنيك ل كول وافي لولاد

هجرك راغم و تغرب ف كل بلاد

خضرا بقيتِ بين عينيه

الزمان ايامو و لياليه

ف وقات المنام و لسهاد

ما نساش و ديانك و شعابك

واحبابو و احبابك

ف جنانك شحال دارو ميعاد

ما نساش صبيانك و شبابك

وشيابك وجميع رجالك الامجاد

فيهم شيوخ الحكمه و الكلمه

واصحاب رفاهه و جاه و قيَّاد

كيفاش ينساك ف بعاد وغربه

وف حجرك الدافي تربى

كيفاش ينسى اللمه

كيفاش ينسى لمواسم و لعياد

سمعي يا الطرشه

عمرك ما كنتِ طرشه

غير ما سماوْا عديان و حساد

¤

عبد المالك المومني

مشيت لباري نحوّس

©Yamal

¤

¤

بسم الله بديت ننظم * ف لقصيدة تصنّطوا يا لخوان

هاذ لقصيدة صرات لي * و نعاودها يا لخو باللّي كان

مشيت لباري نحوّس * و كَلت أنا باش نفجي لحزان

سعّ ما كان والو * تبدّل الجو و راني عيّان

طول اللّيل نبات ساهر * حتّى من الدّمعة سايلة يا لخوان

تفكّرت أنا احبابي * مع اهلي زيد حتّى الجيران

نمشي للقهوة نكَعد * حتّى اللغة مبدّلة باللسان

تحيي مّا مع بلادي * امّا هذي غي بلاد العديان

بلاد ليهود و النصارى * ما فيهم لا خير لا إيمان

اسمع لكلامي و استفصل * و تهنّى بلاك تبقى غلطان

إيلا غلطّ راك تندم * تبكي بالدمعة و تولّي حيران

كونك حذري راك تغفل * ويلا غفلت راه صرطك ثعبان

الشيخ أحمد راه يهدر * اسمع لكلامي وشدّ الميزان

تفكّر في بلادك * أمّا هذي غِ بلاد العديان

كذا من غريب راه تالف * عاطيها للبيرّة و الدخان

انسى اهلو مع احبابو * انسى لمّيمة تبّع الشيطان

الله الله يا حبيبي * ما ينفعك لا خوك و لا فولان

ما ينفعك غي ذراعك * ويلا خانك راك تبقى ندمان

اسمع لكلامي و استفصل * لا دّير فينا رِيّان

الخدمة حتّى في بلادك * تخدم و تولّي لدارك فرحان

اقنع باللّي عطاك ربّي * راه الدنيا فانية يا غفلان

خلّيت لمّيمة تنوّح * و تكَول وليدي مشى لي ما بان

اسمع إيلا بغيت تربح * و تفكّر يا ولدي في لحنان

لمّيمة مع ابيّك * و تفكّرهم باش تبقى مزيان

اسمع لي في ذ الوصيّة * و تهلّى لا دّير فينا رِيّان

¤¤

نظم : الشيخ أحمد

غناء : الشيخ أحمد ليّو

¤

تفريغ شخصي

حبّ الرمّان

©Yamal

¤

اشحال قالوا ما قالوا

للّه يا لقلب نساهم و رْتاح

تركهم يا القلب ف الهدرة و صْياح

تركهم يا القلب تركهم للّه

...

نصّ : اشحال قالوا

من ديوان

حبّ الرمّان

جديد مبارك الشادلي

عضو مجموعة لمشاهب

مطبعة التيسير ط1 2009