طيور الراكَده

© Yamal

ذاك التين الزين

مشروح ولاَّ مجروح

عطشان ولآ شبعان

من ما هـذيك العين

لـ جْناح هايم قرة عين

غاب عليها شلاَّ سنين

بـْـ لا بِها هو غْريب

وهي بـ لا بيه غْريبه

و َمنْ صغرهم متحابين

فين يصيبها

وفين تصيبو فين؟

عشقهم عقل ولاَّ هبال

ولاَّ يا احبابهم بينُ وبين

الناس فـْ حالْهم حايْرين

وشوقهم مْحَلقْ بهم فوق

يقدر ينحر يْقين

يا شجرا

ما دمتِ خضرا

وجْناك دِيما بْنين

سلّمي على خضرا

صْدَاقها غالي

عفَّه وعزّ ونفْرا

و بـ غير الصّدقُ ولَوْفا

بـ كنز الدنيا

ما تَباع

ما تّشرا

إلاَ رماتك بنظرا

لا مْحال تْصْرعَك

وتدّيك لـ حضرا

تولِّي هبيل

و ديما عْليل

ما تبرا

اللي ماها خمرا

لذَّه وَلا سكرا

وتعوم فـ غمْرا

وبعدها

ترفعك

من المـا لـ السما

بـ لا جَنحِين

سلام من عاشقين مْجانين

بلارج طير المرابطين

وتِفللَّست زرﯕة العينين

غربتهم غربه

يدوَّروا على قَلها سبَّه

يزوروا الراﯖده على سبَّه

لـ حْضور وغبْره

وطال الزمان ولاَّ قصر

جايّينها جايين

حايِّـين على يدينُ ورجلين

ولاَّ فـ السما طايرين

 

عبد المالك المومني ©