© Yamal
زيتونَّا على سور الدار
ما ليه مالك ولا دار
شَياع للساكن وللي زار
والمسكين ولفقير الجار
شريف الربيع ولشجار
أصيل الجدور ولثمار
زيتو نار تـﯕـدي وانوار
ف ليل الظلام االقهار
طعام ف عشا وغدا وفطور
عجيب مرفوس ف فطير
واعطيه لـ كبار و صغار
نواع كحل وخضر واحمر
يطيبوه طباخين مهار
ب دجاج محمر ف غطار
و ب فاكيه ومرق و خضار
فـ ولايم واعوايد كبار
لا تحشم قدمو ب فخار
ل ضياف واصحاب اخيار
ومرقَّّد ف خابيه ومطمَّر
مذخور لـ مول حاجه واعذار
ما تعياش ب معروف وخير
ولا يهمك حس محساد ومشرار
وعسّ عليه فـ عشيه وابكار
من هجوم جحموم وزرزور
بوكرش ملهوف واشعب لطيار
ومن فار اشخم غدار
زغيدود وافعايل كبار
حافر تحتو مسرب وغار
يهمل بـ الليل خاين شفار
وخايف يخرج ب نهار
عِيش يا صاح قانع مستور
واشكر عليه العالي القهار
للي نعايمو عليك كثار
عبد المالك المومني ©
1 commentaire:
صاح
أشعر بأني صاحب جزليات..إنك تدللني كثيرا ..فلا عليك إن بعثت بنص ولم تنشره لي
تحياتي وتهانئي بعيد الفطر السعيد إليك ولأسرتك وللصحب الكرام
Enregistrer un commentaire