طريكَ سيدي منصور

¤

¤

خلّيتْ الراكَدة مْشيتْ ندور

ف طريكَ سيدي منصور

كلّمني ذاك السّور

مراسم ذوك الدور تكَول قبور

ما بْغات دموع ما بْغات بْخور

عْزاها نْسيم جاها مَنْ بْحور

ف تْريفَة و الخاطر مكسور

كلّمتْ جْدور سدرة و صخور

وينْ العين لّي خْفات سْحور

وينْ كَيّلْ سرب طيور

جا بالذكرى مخمور ؟

عْلى ذاك السور نْقشت سْطور

طريكَ الدنيا ما هُو منجور

عرّاتْ المستور قبْراتْ المشهور

هبّتْ أرياح الغَرور

ما خلاّتْ سطري منظور

¤

¤

©Yamal