بير القرية

حْذاك ناسي يا حاسي

الغربة صعيبة الشوق إيباري

مالي طاﯖـة ماني ناسي

طـﯖـطـﯖـتْ الريّاحة

اعْيى الطير الشادي

شْحال منّك سْـﯖـى غاشي

ارْوى اللّي ما داري

شعشع نعناعي

***

م الويبْ ليك سلام

بغيت نـﯖـول ما لـﯖـيت كلام

مشات ايّام جات ايّام

دفنّا لُوهام فيّقنا لَحلام

ذاق صْفاك ذاك هْداك

لا يغيضك يا حاسي

لّرض الضّامية لمزان ارْواتها

ماك زاد زلال

زاد لَشْعار و ليّام

يا بير القرية يا بو مُدام

تربة وسبولة وكلام

ليك هديّة وسلام

اهْدى عليّ ناسي ليّام

بْيَبْرَة ف حْشايَ

نحفر لَك حاسي

الرّحمة نطلبها سلسال

لحفّارك يا حاسي

***

م عْروﯖـي فْتلتْ حْبالي

ف البيضا لكلام حْبا لي

للشّجرة ماجي

طالب قلّة يا حاسي

نرشّ تْراب احْبابي

الدار البيضاء : 10 فبراير 2005

 جمال الخلاّدي

طـﯖـطـﯖـتْ الريّاحة