شمايل الصبار

¤

¤

راني نعاني من زماني نار

ياربي اعطني شمايل الصبار

زين ف النظر

مخيَّر و خضر

وطويل لَّعمر

فين ما زرعتو نابت

قوي وثابت

طالع ف السما مفرَّع

فارش ف الارض مبرَّع

ف السهل ولعلو والجبل

والرمل والتراب ولحجار

زريبتو لداري حمايه

ثمرتو وعصارتو دوايا

ب نهار شمس صفرا

وحمرا كي الجمرا

وب الليل كَمرا

وزهره مليكة لزهار

شوكو شوفو

بيه تعرفو

بين النبات ولشجار

عبد المالك المومني ©