رَبع الطرشة

©Yamal

**

رَبع الطرشة ياكْ رْجع قفار
يا حسرة على حمامات صدحوا فيه
ولد النيليّة خفّاق الجّنحان
بين لغصان كان كالولهان
رَبع الطرشة بان لي منهار
تكَول ما سْكَى فيه زين نهار
شهد الصّابر ع لّحجار زاد مْرار
يا حسرة على عرايس لنوار
يا حسرة على لْذاذاتْ من لوزٍ
و برقوق و باقي لثمار
لو كان جات مو وذنين
تجاوبني باخبار
زين نشدوه شيوخ كثار

يا لحنين يا لّي مضرار
لو كان كَصّابها حاضر
يصوت نْغام
تحكي ع لّرسام اسْرار
يتهوّل واد سكنوه ابرار
بورولّو بالكَول يفيض
و فيه تتكركب لشعار

¤
ريبي يا الواقفات يا لسوار
سبقي عْواصف لقدار

¤

حرّك اجّْمر جيب الغيوان

الزّين يا لّي مسرار