¤
الواد العين و الجّنان
جيتهم عَمْر الصبيان
العرس عرس خويَ
صيف ذوك ليّام
صفّ النسوان
و البندير لو كلام
¤
غيظانة
سمّعوا الطّرشة
خبّروها يا لخوان
مانيش ظلاّم
مانيش لوّام
¤
كَصّابي فاجي
خوك ف اهوال
بيني و بين ذوك لَجبال
بحور و ضْباب
إيلا فتّحتْ وردة
تعود تذبال
كَال موّال احمر
لو نشكي ربع ما بيَ
يذوب لحديد عسّاك لحجار
يا الطّرشة عافاك
لا غيظ لا مْلام
خوك منضام
لو صاب يجيك بانظام
حروفها قْنادل اغصان
تْضوّي سْهول و تْلال
حبق و سوسان
ف عيون لحلام
يا الطّرشة سمّعيني
واش بك دارت
الثواني و لَمحان؟
5 commentaires:
فين راك يا سي احمد يامول كلام المعنى
مالك مال الطرشه
والطرشة كانت طريق ل تنسان
ماسمعت واش قال ولد ميللي؟
وما قال بالركادة هيمان؟
لله ياالطرشه ياالزينه
ياللي ف حجر جبلنا جنه
حلي وذنيك ل كول وافي لولاد
هجرك راغم وتغرب ف كل بلاد
خضرا بقيتِ بين عينيه
الزمان ايامو ولياليه
ف وقات المنام ولسهاد
ما نساش وديانك وشعابك
واحبابو واحبابك
ف جنانك شحال دارو ميعاد
ما نساش صبيانك وشبابك
وشيابك وجميع رجالك الامجاد
فيهم شيوخ الحكمه والكلمه
واصحاب رفاهه وجاه وقيَّاد
كيفاش ينساك ف بعاد وغربه
وف حجرك الدافي تربى
كيفاش ينسى اللمه
كيفاش ينسى لمواسم ولعياد
سمعي ياالطرشه
عمرك ما كنتِ طرشه
غير ما سماوْا عديان وحساد
Attarcha ma nansae
Fa sbahi wa msae
wa khyali o galbi fiha
biha o lik liha
nghanni far7ane
7bibi ya lhaymane
nhawwad Teyre m Tnissene
n7allaq.. n3ich fa smaha
nhatt fa rhab 7babha
b7alha bhal Reggada
lbare7 wa lyoume o ghadda
ngoulha.. ngoulha
zina zina
janna janna
koll mafiha
ou nakssar 3la Fezouane
ana wa nta ou khlili Jmale
ou ma nansach nasda7 mowwal
fi jrawa moulat lbir
sawagui wa jnanate lkhir
ou ma nansach Milli
Milli Milli ou ya 7lili...
..........................
..........................
ya khouti bellehe 3likoum
ghi ta7wisa wahda m3akoum
takfini hmoum znaqi Berkane
ya 7beybi Jamal o Malek lhaymane
Iwa goulou wahe... ou nabniwha
ntirou jmi3 nacharbou man maha
أفرغ ياجمال نص اليعقوبي بالعربية إذا لم يتمكن هو من دلك تقنيا
أتمنّى أن نزور جميعاً ربوع : ألمو و تينينسان و فزوان
...
و شكراً لكما
...
سأعمل على تفريغ النّص إذا لم يكن أحمد قد فعل ذلك مسبقاً
Enregistrer un commentaire