! يا ناس، يا ناس

نوح إبراهيم

الشاعر الشعبي لثورة

1936-1939

*

الطبعة الثانية2001

وزارة الثقافة الفلسطينية ـ الناصرة

*

يا ناس، يا ناس عالصخر ابنوا الأساس

فيقوا شويّة و خلصونا من هالنعاس

لازم تكونوا عارفين العلم بيرفع الراس

لازم تكونوا متعلّمين * مأدّبين مهذّبين

و في المدارس مجتهدين * و عالفضيلة معوّدين

و تكونوا أحسن شبّان * حتّى تخدموا الأوطان

و ما يظهر منكم نقصان * نحو الله و نحو الناس

لازم تعلّموا البنات * و ما تخلّوهن مهملات

حتّى يكونوا أمّهات * و يصيروا أفضل زوجات

لا تبقوهن في البيوت * ما يفهمواغير القوت

و تضيع الفرصة و تفوت * و يصيبكم وجع الراس

لا تهتموا بالقشور* و تركظوا وراء الظهور

كل واحد و يكِوِنلو دستور * حتّى ينفع الجمهور

و يْأدّي الفرض و الواجب * و يكون على نفسو محاسب

الحاضر يعلم الغائب * الجهل بيوطّي الراس

العلم يرفع عماد * و الجهل يهدّم أطواد

تعلموا تنالوا المزاد * و تبلغوا رتبة الأسياد

عم بهديكم نصايح * تمينة بشكل واضح

اوزنوها بعقل راجح * و اعملوا فيها يا ناس

ص : 106