© Yamal
الثلج ف جبالي
هيج لي حالي
خلاني نهالي
ب وطني واصحابي ومَّالي
لاله خضرا أشاره
ل لمغرب الغالي
حره بنت الحره
والوالد مول دين وَالي
خيرو ما يسالي
أرضو جنه خضرا
يميني وشمالي
وسماه ف الليالي
نجومها تلالي
ب علامو نْشالي
ونعلقو ف لعلالي
ب مجدو نْبالي
فضلو ما ننساه
وديما ف بالي
قابلني ف كل حال
ب عقلي وهبالي
يا لايمني على ذا الحال
زور واشرب وجرَّب
و لخبار... تالي
نطلب ربي العالي
نبقى فيه ف سلام وأمان
ويلقا عدُوه لَخْلا الخالي
ونحميه ب روحي ومالي
عبد المالك المومني
Aucun commentaire:
Enregistrer un commentaire