بغيت فيزا لكازا
نلبس قميجة و سروال
الحال ما بحالو حال
و الجيب ما فيه ريال
بغيت فيزا لكازا
ندير الريحة و الكرفاط
الذات عديمة
و المشية مشية ضباط
ألف ابتسامة و الكَلب عيا من العياط
تقاشر مثقوبة ساترها غير السباط
بغيت فيزا لكازا
نهار ا فيام في القهاوي
تقرقيب الناب على الخاوي
العام زين العام ضاوي
نشوف الوداد نعشق الرجا
و العام اللي جا يلقاني فراجة
بغيت فيزا لكازا
و كازا بغات فيزا
فيزا للحياة
فيزا للحرية
بغات خيرها لمٌاليها
بغات اللي غاب يرجع ليها
خليل القضيوي الإدريسي ©
من ديوان : بغيت نحيا ... بغيت نعيش
ص ص : 58 ، 60
 |
بغيت نحيا ... بغيت نعيش زجل خليل القضيوي الإدريسي الغلاف : نور الدين فاتحي مطبعة دار السعادة ¤ الدار البيضاء 1998 |
1 commentaire:
قصيدة معبرة..أعجبني مقطعها الأخير
Enregistrer un commentaire