¤
الواد العين و الجّنان
جيتهم عَمْر الصبيان
العرس عرس خويَ
صيف ذوك ليّام
صفّ النسوان
و البندير لو كلام
¤
غيظانة
سمّعوا الطّرشة
خبّروها يا لخوان
مانيش ظلاّم
مانيش لوّام
¤
كَصّابي فاجي
خوك ف اهوال
بيني و بين ذوك لَجبال
بحور و ضْباب
إيلا فتّحتْ وردة
تعود تذبال
كَال موّال احمر
لو نشكي ربع ما بيَ
يذوب لحديد عسّاك لحجار
يا الطّرشة عافاك
لا غيظ لا مْلام
خوك منضام
لو صاب يجيك بانظام
حروفها قْنادل اغصان
تْضوّي سْهول و تْلال
حبق و سوسان
ف عيون لحلام
يا الطّرشة سمّعيني
واش بك دارت
الثواني و لَمحان؟
