¤
¤
سالوني الناس لملاح
أهل التدبير و الصلاح
يا خليل فين جود لقريحة
فين معسول لكلام
فين الشدا و لنغام
فين الشجا فين لمديحة
*
سلوا نوار اللوز و التفاح
سلوا اوراق التين و لكرم
سلوا الزهر
علاش يغيب و يحضر
سلوا اللقلاق و الطير الحر
علاش يغادر و يهجر
سلوا لقلم و لحبر
فين حروف اللويحة
*
يا حمام لا تبكي لا تنوح
النسر الا طار الحبار يلزم اوكارو
و الهلال الا دار الليل يرجع بنهارو
النجم بالنهار تخفى انوارو
*
لازم الارض تروى و الضمى يروح
و تفيض بجودها لقريحة
أهل التدبير و الصلاح
يا خليل فين جود لقريحة
فين معسول لكلام
فين الشدا و لنغام
فين الشجا فين لمديحة
*
سلوا نوار اللوز و التفاح
سلوا اوراق التين و لكرم
سلوا الزهر
علاش يغيب و يحضر
سلوا اللقلاق و الطير الحر
علاش يغادر و يهجر
سلوا لقلم و لحبر
فين حروف اللويحة
*
يا حمام لا تبكي لا تنوح
النسر الا طار الحبار يلزم اوكارو
و الهلال الا دار الليل يرجع بنهارو
النجم بالنهار تخفى انوارو
*
لازم الارض تروى و الضمى يروح
و تفيض بجودها لقريحة
*
*
© عبد المجيد رزوقي
Aucun commentaire:
Enregistrer un commentaire