الشيخ بنعبد الله على آلة الكَلاّل
مشيت لباري نحوّسْ * خلطّْ للنّوتير و قبضت البيت
البوليس دقّوا عليّ * ف اللّيل و ما عرفت باش تّبليت
طلبوني علّ الكواغط * شافوهم زعما و قلت تهنّيت
قالوا لي ماهوش هذو * لافيش دي باي تجّبدو فيت
قلت لو مسيو اسمح لي * من لبلاد راني كي جيت
رواح تشوف يا حبيبي * قصّة لافيش خبّلتني و بكيت
ذا لافيش واش هو * من عند الباترون جيبو بالذّات
قالوا لي فوت جيبو * و لاّ دبّر يا طفل وين تبات
السّي أحمد يا الشاعر * لخضر كي كيّتو بالكيّات
نخمّم لفراق وطني * رواح تشوف لحالتي كي ولاّت
لافيش دي باي والو * و النّوتير محال لا فيه نبات
البوليس يجيوْ بكري * وين نروح كيتي إلا تلفات
ذا الشّي يانا طرى لي * شوفوا لفرنسا كي ولاّت
عل الخدمة نظلّ نجري * و العشيّة ما نصيبشي وين نبات
ديما في لاكَار مرمي * همّ أولادي جاب لي ذ الشّوفات
غبني غبني كيف نعمل * لا خدمة لا صوالدة لا حياة
تبعت ... ... الهوات * ... ... ...
الدين تركناه والو * و اتّفقنا كَاع عل المعصيات
رواح تشوف يا حبيبي * قصّة لافيش خبّلتني و بكيت
سعدات اللّي عطاه ربّي * هاذ الدنيا قامها بالصلاة
نصبر لحكام ربّي * حتى ياتي يا لخو بالممات
واحد عطاه ربّي * يمشي ف الدنيا مع زوج بنات
وانا ديما نْجرْنط * نخلصها و نروح للسّوليمات
اولادي ف لبلاد قعدوا * واناعاطيها هنا للخبطات
كي نصحى و يجيو قبالي *وانك دانك دانك و دان
ملّيت من تامّرا * من ذا الغربة يا لخو واش دّيت
لو كان الفياج عندي * عمرو لفرنسا لا ولّيت
قلّت صلاتي و ديني * من ذا الخارج واش دّيت
نخدم حتّى في بلادي * و الرزق يجيبو المولى للبيت
رواح تشوف يا حبيبي * قصّة لافيش خبّلتني و بكيت
عييت ما نبالي * حتّ الصحة مشات لي وتهرميت
الفقر هو سبابي * جفّاني من بلادي و جفيت
الغني ديما هاني * وانا شوفوا حالتي كي ولّيت
همّ الغربة و تامّرا * همّ اولادي زدت منهم نكويت
رواح تشوف يا حبيبي * قصّة لافيش خبّلتني و بكيت
***
نظم : الشيخ لخضر
غناء : الشيخ بنعبد الله الوجدي
*
La fiche de paie
Cheikh Benabdelah El Oujdi
تفريغ
شخصي عن أسطوانة من 45 دورة
شخصي عن أسطوانة من 45 دورة
نشر : لحن الجزائر ـ وهران ـ تحت رقم : 10812
