يا الشمعة

يا الشمعة عْليك سْهرت اللّيل 

وضوَّك ما نْتاع قَنديل 

ودْموعَك غادية وتْسيل 

لِيلَة ولِيلْ على لِيل

يا الشمعة حْكي لي واشْ جْرى لي 

ما بين اللّيل واللّْيالي

لِيلة رْزينَة وعقلك فيها بوهالي

ولِيلة ساكْتَة وسْهيرْها هْلالي

وأنا دْموعِ سَيَّالة باللّيل ونْهار مَنْ دْخالي

وأنا جَدَّبَتْ لَرْواح والنَّفس اللّي تْلالي

ما بِينْ يَدِّينْ لَفْقِيهْ وفْ كُلْ والي

ب لْواني فْ كُّلْ زْمان وشْحال مَنْ حال فْ حالي

وأنا الشمعة وأنا الشمعة لَوْلِييَّة فَ اللّيالي 

 بركان 25/05/2013

الحسن درويش