نقّاش لسطار

 راحْ صغري والدّا ما راه برّا

بَدْرَة لا تمضّييْ لشفار

راني كِ مخبّل لوتار

ما همّني إلا انكسرت لنظام

ولاّ عواجت لسطار

كيسان الذّوق لاّ تسيل ب لسرار

روح بالرّا كِ تغرّد لطيار

كونك خلاّق بنّاي لسوار

ب قصيرة ميّالَة ب لثمار

شوف لقمار لا تجيب لعذار

ما تشوّش لفكار لا تزيد لكدار

تلاّف وقتُه ف لجفار

تبّاع لثار جايب لعبار

إلا ما خلاّك تشوف لَزهار

لَكْلام  ما تحسبُه م لَشعار

واش يدير ﯖـلّيل ف غاب لَشرار

هشيشة شقّت لحجار

جايزين السحاري ولَقفار

طّالبين فجّار الما م لَغوار

جمال حْذانا حيّار  لبصار

لاهْ تشقاوْ عليه قاصي لَمصار

لنوار ما تعمي لنظار

هاي لَحرار

يا الطاير في سرب لبرار

شوف كاشْ تحيى لا تلوم عجاجةْ لغبار

بالكلخة واش تـﯖـطع فجوج وعريض لنهار؟

من سلّك الحافي م سْليخ لجمار؟

ثْقالتْ لوزار سْمانتْ لسْتار

كابر يا مجرّع لمرار

بركان : 13 غشت 2012

جمال الخلاّدي