! الجبال اللّي قبالة تريفة

من شوكها و ازهارها ذَ الْخبلة

الجّْبال اللّي كَبالة تريفة

آ السّْحاب اركَب عليها

ها انشادي غيثها بها

***

آ الشّارب من غدير الْخمرة

ما يجيك الشّيب لاّ على غفلة

الزمان مشى اجمع الوقفة

الجّْبال اللّي كَبالة تريفة

من عرعارها هات لي نفحة

ف دْيارها سكّن لَقصيدة

على احجارها ارتاح م الغربة

زهرة صغيرة طالعة من شقّ الحجرة

شكون اقرا حكاية النحلة ؟

 

***

الجّْبال اللّي كَبالة تريفة

عوج دور و ما تنساها
آ لغيام ما يخيب لك رجا

© جمال الخلاّدي