! زوج ابغال مسكرة عنا لحدود

زوج ابغال مسكرة عنا لحدود
وحنا من بكري نسما خاوا

معدن صافي أصلنا من جد اجدود
ما يفرقنا لاشحان وعداوا

سال أعلينا ذكرنا ديم موجود
من أول تاريخ حرفو يتساوا

معروفين بأصلنا ومكارم جود
ما نقبل دخيل يفرق ذ الخاوا

أهل المغرب زادنا ذاك الممدود
وياك السكر ما يفارق لحلاوا

وحنا ليهم فالدزاير ناس الذود
وساس الخاوا مايطيحش يتهاوا

متين امتن ما يهزوش البارود
ذا دم الشعبين ممزوج انقاوا

أحمر قاني نابتة وسطو ورود
دم الشهدا مسطر يتضاوا

أحنا أمة لاحددة لاحدود
كيف اتفرق خو عن ذوك الخاوا

ياهل الحكم علاه عنا ذ القيود
وفرقتونا زارعين العداوا

فكو عنا سياسة الحل المفقود
وخلونا والجرح لازم يداوا

صالح رابح الجزائري
6/26/2009

عن ملحق فكر و إبداع جريدة الاتحاد الاشتراكي