! يا نـاس الكَصبـة ذا هبـالي فهـمــوه

لوحة : عبد الحفيظ مديوني

يا نـاس الكَصبـة ذا هْبـالي فَهْمـوه
واش نْديـر انا كَولـوا واش نْـديـر
يا صحاب الجذبـة ذا حـالي شوفـوه
ف زْمانـي هذا وا نا كيـف نْسيـر
يا خْيار الصحبـة كَـولي ذا سَمْعـوه
إلى طال الليـل غـدّا الشمس تْـنيـر
يا هَـلْ لَمْحَبَّـة قلبي مَسْكين جرحوه
وما هْـرق دْمـوع بْكاهْ ما له تفسيـر
----
خلّيوْنـي نلـغى نلـغى ولاش انّـوح
إيـه ونْفش سْـرار وُنَدْفَـنْ لهـمـوم
وحَيْكم يصـغى وليـه نْزيـد نْبـوح
بَـفْهامـة لَحْـرار تَـتْفاجى لَغْيـوم
نْكَول كْلامي هـا وذا رايي نَبْـديـه
ما يمـكن يخفـى اللـي فيَ و انّــوم
جهـدي ذا همـي واللي راده يـدّيـه
لا حاذَرْ نَبْـرا آخوتي رانـي مَحْمـوم
2
يا مُول التيسيـر جـود عـلي جـود
اَرْجاي غي فيـك ما يْنَكَـْطع مولاي
الكَـصبة والطير او يا صْحاب العـود
يِفاجيوْ هْمـومي يا صْحـاب الـراي
طِـرْ يـا طيـري ولا تبقى مشـدود
بَـفْهـامَةْ لَـرْذال لا يبقـى لَكْ راي
ها نـاس الكَصبـة ورايـهـم يجـود
خويـا نورهـم شوفـه كي ضـواي
----
كَصَّبْ يا كَصّـاب وانْغـم بَالميـزان
اَرْفَعْني يا صـاح حتى نَلْحَكَـْ لَطْيـار
يِـرَحْمـك ربي يا شيـخ الـغيـوان
إيه شْعـاع الشمس ما تْخَزْنه لسـوار
طـر يـا طيـري يَكْفى مَنْ لَحْـزان
إلى بعَّدت لَرْذال تْفـوز بْنـاس خْيـار
خالَطْ مَنْ واتـاك تزهى لَكْ تـزيـان
الليل يكـون حْموم يَرْجَـعْ لك نْهـار
3
لا تبكي آ طيـري لا تشكي لَجْـروح
طـر وتْعلـى سِـحْ الفـوكَـْ و رُوح
نـاس مْجربـة تْـنصحك بالوضـوح
اَبْـلَمْثَـلْ وَنْظَـم كْلامهم مَشْـروح
لا دّيـر كي لحمامة وتْزيد ف لَقْـروح
مين سَمْحت ف الباز وكانت عنده روح
أنت كَالت له شين فوك بالجِّيف يفوح
شوف ذا بَلْعَمْران يَرْكَصْ والرّيش يلوح

اطْلَـع الباز سْماه ورسى فيها مَجْنـوح
ورعـد بلعمـران إلى تزهـق له روح
بَعَّـدْهـا وهْـرب وما نفعت مـدوح
حزنـت لحمـامـة وبَـدّات تْنـوح

آ بـويـا الـراي يِنـو ذَمَـجْيـوح
اطْفَغْ ذي بَلْعَمْـران دْجيغ الباز يـروح
آ بـويـا وعْلى رايي ذا مَـجْـيـوح
كَْبط في بَلْعَمْران خَلّيت البـاز يـروح
4
لا تبكي آ طيـري لا تشكي لجـروح
طـر وتعلـى سـح الفوكَـ و رُوح
طـر يا طيـري ولا تبقـى مشـدود
بخـرايـف لرذال ما عنـدك وجـود

أحـمــد الـيـعــقـــوبـــي ©