مَاشِي حْڭَازْ.
مَاشِي بَيَاتْ .
وْ مَاشِي صَابَا.
عُودِي بْدَا يْتغْرّفْ.
و مَازَال مَا تْهْجّاشْ ..
مَقَامْكْ.
مَاعْرفْشْ ..
يْحْطْ النُّوطَة ..
عْ لْحَرْفْ.
مَاشِي أَلْطُو .
و مَاشِي طِنُورْ.
السّكْسُفُونْ ..
عْزْفْ .. مْنْطْقْ لْبْكْمَة.
مْلِّي صُوتْكْ ..
فْنَى صُوتُو ..
حِيتْ حْنْ عْلِيهْ ..
وْ لْطْفْ.
غْنِّتِي عْلى الصُولْ.
الرِّي ..
فْحَلْقِي .. تْخْنْقَاتْ.
وْ انْتَ مَازَالْ هَارْبْ ..
عْلَى بْسَاطْ الصُولْ.
كَتْشُوفْ من لْعْلُو ..
وْ تْبسّمْ.
وَ ناَ جْفْتْ ..
وْ فْنَاتْ مْوَاوْلِي.
حَنْ عْلِيّ وْ لْطْفْ.
دَاكْ الدٌفْ.
دْقّاتْ لْقْلبْ.
صُوتْ السّاعة ..
جْلَى السّاعة.
وْ خْلاّنِي .. فْزْمَانِي ..
نْدُورْ وْ نْرَارِي وْ نْلْفْ.
سْمْعْتْ لْهْدِيَّة ..
فْدَاكْ لْحُومَة ..
فْهَادْ لْحُومَة ..
تْلّفْنِي دَاكْ .. الدّفْ.
حْمْلْ .. النّغْمَة .
رْمِيتِو ..عْ لْبْرَاطْلْ.
عْلَى طِيرْ لْوْرْوَارَ.
يْعْڭّزْ .. ڭْرِيحْتْكْ .
وْ يْفْرّجْنِي .. فْلِيعْتْكْ.
وْ نعُودْ نْعَاوْدْ ..
عْلَى شِيخْ ڭَارْحْ ..
طَاحْتْ مْيَازْنُو ..
مْلِّي طَاحْتْ لْمْسَاوْيَة ..
فْ عُودِي .
وْ وثَارِي .. تّْرْخْفْ.
سارة أولاد لغزال
