©Yamal
¤
¤
نهْمر النّوْ روات جْبالي
الشمع بكى على حْجاري
سكرانة م ركَادي
مكسّلة ف صباحي
دافكَة بدْلالي
خمري ف سواكَي
وينكم يا عشّاقي ؟
¤
بحقّ لّي سال نبّت السدرة
و مَيْرَمانْ ضفاف المجرى
بورولّو لمْجاور مولاة السبّة
واش الخودات يخطاوْا الركَادة
يرْشى رمّاني ما نشوف جلاّرة
يذوي جناني ترثيه الصفرا
تخلا ارْسامي نعدم الملكَى ؟
¤
الريح جاني عصفي
ما خلاّ لالّة تبات في حضني
عمري ما راه كَبالي
ف الغربة هازّ قرابي
و كلامي زاد اكْرابي
¤
جمال الخلاّدي
