حكاية نسيبة

يالــقـــاضـــي أنــســيــبــتـي هـيا ألّـي بيــة                 بـــنــتــهــا هـــانــيـا وتــحرشـهـا فــيـه

يــــهــــديـــها اللـــه اتــبــعــــد أعـــلــيـــة              اتــخـــلــيــنــا أنــعـــيــشــو فــي أمــــان

أتــــقــــول لـــبـــنــتـــهــا هــرسـيــلو لـجناح            عــذبـــيــه فــالــدنـيــا عــمرو ما يرتـاح

أوهـــــرســي الــقــش أعــشــيــا وصــبــــاح           طـــيْــحـي الــمــقــراج عــلى الكــيســان

ضــيـــعـــيــه فــي صــحـتــو ولــد الحــلــوف         أبــداي أضْــرك والــعــيــن أتــشــوف

أزعــــفــــي أوعـــنـــدك أيــبــان الــــخــــوف          أكــــويـــه بـالـــنـــار بـــــلا دخــــــــــان

يــــالــــقــــاضـــي تــدخـــل كــي لـــــغــــراب         أغـــواتــهــا أيــخــافـــوه حـتـى لكـــلاب

وعـــيــيــت نــصــبــر أو قــلــبـــي طــــــــاب         أكــلامـــهــا أصعـيـب ما عـنـدو ميـــزان

يــالـقـاضــي أنـسـبـتــي أبــحـال الكـومــسـيـر          أتـهـيــن وتــســب أكــبــيـر وصــغــيــــر

تـــشــــبــــه أعــــريـــف يـــضـرب الــبـنـديـر        أتـهــرب الــمـلائـكة وتحضر الشيطـــان

أتــــوصــي بــنـتــهــا  في وقــت الــــنـــــــوم       تــنــعـــس والــفــم فــــيــــه الــــثــــــوم

خــــلـــيــــه أيـــبـــات لـــيــلـــو مـــغـــمــــوم         وشـــخــري حـــتـــى الــشـمـس أتـبـــان

ولا أطـــبــخـــتــي اللــحـمــة فـيـهـا لــيـــــدام        كــــولــي اللـــحــم خــلـــــي لــعــضــــام

لا أتـــكـــلـــمـيـه وقــطــعــي عـــلـيـه الـسـلام          يـــكــحـــال وجــهـــو أبــحـال الطيحـــان

أحــــكــــم بـــحــكــامـــك آســيـــد الــقـاضــي         بـــحـــكــامــك أنــا رانــــي راضـــــــــي

كــــــي أنـــشــــوفـــهــا وخــا أنـكـون واضي           يــخـــســـر لــوضــو يـتـنـفس المسـران

أســــألـــهـــا الـــقـــاضـــي يـــا حــــضــــــار           قــــال شـــّربـــتــي أنـــسـيـبــك لـمـــرار

يــــمـــكـــن أنــتـــي مـــخـــلــوقــا بــالــنــــار         شـــوكَــك قــاطـــع يـشـبــه الـضـربــــان

جــــاوبـــــت الــقـــاضـي قــاتــلـو يــكـــــــذب        شــفــتـــو أبــعــيــنـي في بنتي يضـــرب

هـــــــذا راجــــــــل قـــايْـــــســــو لــكــلــب        أيــهـــرس أطـــوابـــل ويـقـطـع الـكـتـان

يـالـقــاضـــي هـــذا راجـــل مــسـخـوط           خــصــو الـــكـــوري يــــبــقـا مربــــوط

يـــــشــــبه لـــبـــغـــل خــصــه الـلــكوط               بــالضرب لـبغـل ما يبقا مغـــنــان

  

أحمد عزيزي

من ديوان : همّ الدنيا 

ص : 24 

همّ الدنيا
زجل
أحمد عزيزيمطبعة تريفة ـ بركان
ط 1 ـ 2009

مسخوط أمُّه و بّاه حرام الكلام معه

علاش يا مسخوط الوالدين ¤ كبّرتك يمّاك و رميتها ف الخيرية

تبكي و تكَول غادي بيَ فين ¤ أنا يمّاك ربّيتك كي كنت قويّة

يا ولدي لا سمع لا عينين ¤ و مريضة فين غادي بيَّ

الوالدين هما أساس الدين ¤ خاف يا ولدي بالقوّة الربانية

تسع شهور في كرشي جنين ¤ و ولدتك و غسلت وسخك بيديَّ

يا ولدي الفقر و ربّيتك سنين ¤ و رضعت لحليب اللّي فيَّ

كنت توسخني بوسخك الشين ¤ نضحك و نقول ألف هنيّة

ويلا مرضت ما نغمّض العين ¤ نتمنّى مرضك يولّي ليَّ

على صدري قابْضاك باليدّين ¤ نبكي و الدموع تسيل بعينيَّ

و نكَول يا سيدي ربّي لحنين ¤ شافي ولدي و جود عليًّ

و نهار كبرت و ولّيت متين ¤ خلاصي فدار العجزة مرميّة

راني غضبانة و القلب حزين ¤ يا ولدي فين الرجلة العربيّة

مريضة يمكن باقي لي شهرين ¤ ويلا سمحت فيّ سكتة قلبيّة

و الكلّ يموت يتغطّى بالطين ¤ و يتحاكم فالمحكمة السماويّة

بالسخط تدخل أسفل سافلين ¤ برضايَ تربح الجنّة هديّة

برضايَ تلقى ربّ العالمين ¤ و تقول ربحت الفردوس بوالديَّ

يفرحوا بك الموتى المرحومين ¤ و الكلّ يبارك لْ روحك المرضيّة

و تشوف بعنيك عقاب المسخوطين ¤ أكثر بحرب هتلر العالميّة

عاقّين الوالدين ممسوخين ¤ وخّا يكونوا ريّاس بلديّة

و أولاد المسخوطين قاسحين ¤ و المسخوط كي يولد يولد بليّة

خناجر بريوس والديهم مسنونين ¤ ما فيهم حشمة ما فيهم نيّة

كنتِ الْملود ولاّ نسرين ¤ دعوة الوالدين حاجة مقضيّة

ربّي شديد يستاجب فالحين ¤ النار فالآخرة و المسخ فالدنيا

يا المسخوط وجّد نفسك لْ عزرين ¤ يا المرضي مبروك نفسك محميّة

يا أخي خذها منّي يقين ¤ دعاهم يوصل مثل البرقية

و الوالدين هما دار التكوين ¤ و تفكّر لا تكَول حاجة منسيّة

يكسروك الوالدين فحمى الصالحين ¤ و لو يعينك عفريت ولاّ جنيّة

قلْ يا رضاة الوالدين أنتِ فين ¤ جرّب أخي حضّر النيّة

وخّا تكون حاصل في كمين ¤ تنجى برضاهم و القوّة الإلهيّة

و الوالدين بأولادهم حاسّين ¤ تهلّى يا الولد يا لَبنيّة

Ahmed  Azizi ¤ Berkane : 18.08.2011 أحمد عزيزي ¤ بركان
© Yamal

أحمد عزيزي ©