لقطات من حفل توقيع رياح النور بوجدة

 من حفل توقيع رياح  النور للشاعر الزجّال أحمد اليعقوبي

بالمقهى الأدبية : لاميرابيل بوجدة

وبمشاركة : د. عبد السلام بوسنينة، ذ. محمد العتروس، ذ. الطيب هلّو

و عازف العود سعيد بحمو

يوم السبت فاتح سبتمبر 2012

توقيع رياح النور بوجدة

توقيع  ديوان رياح النور للشاعر الزجال أحمد اليعقوبي
  بالمقهى الأدبي : لاميرابيل، بوجدة
يوم : السبت 01 سبتمبر 2012
على الساعة : 06 مساءً
بمشاركة الأساتذة : 
عبد السلام بوسنينة
محمد العتروس
الطيب هلّو

لقطات من حفل توقيع ديوان رياح النور

من اليسار إلى اليمين
 محمد الدخيسي، مصطفى رمضاني، أحمد اليعقوبي، محمد العتروس، جمال قادة

الشاعر أحمد زنطار

أحمد اليعقوبي موقّعاً ديوانه رياح النور

الزمان : السبت 07 أبريل 2012  ابتداءً من الرابعة مساءً
المكان : نادي ملوية ¤ بركان
المنظمون : جمعية أبركان للثقافة و التراث   جمعية الليمون للأعمال الاجتماعية لموظفي و أعوان عمالة إقليم بركان  المنظمة المغربية للكشافة و المرشدات فرع بركان
الموضوع : توقيع ديوان رياح النور للشاعر الزجال أحمد اليعقوبي
تسيير : محمد العتروس
و مشاركة : د. مصطفى رمضاني   ذ. جمال قادة   د. محمد الدخيسي


 و قد غصّت قاعة الاجتماعات بنادي ملوية الثقافي بالمهتمين بالثقافة و جلّ مبدعي مدينة بركان الزراعية
ويشار إلى حضورالشاعر محمد ماني والباحث ميمون راكَب من وجدة رفقة الشاعر أحمد زنطار المقيم بفرنسا، و الزجالين يحيى حرمل و عبد الحميد إبراهيم

سابع أبريل 2012 توقيع ديوان رياح النور

الشاعر الزجال أحمد اليعقوبي

بركان  : 29 مارس 2012

رياح النور ديوان زجل جديد

صدر للشاعر الزجال الصديق أحمد اليعقوبي، مؤخرا، ديوان زجل ثان، 

من الحجم المتوسط، يحمل عنوان "رْياحْ النّور"، ويضم 18 نصا في 100 صفحة.

أنجز لوحة وتصميم غلافه الفنان محمد سعود. وطبع بمطبعة الجسور بوجدة.

وكان قد صدر للشاعر من قبل ديوانه الأول بعنوان " الـﯖـصبة والطير.."

وسينظم قريبا حفل توقيع هذا الديوان الجديد.

تــيـــهْ وهـْــبـــالْ

1

يا مّا يا مّا..

مَشْروحْ ﯕـَـلْبي

يا مّا..

عامَرْ بَالْوَلْف

والْحُب عْلامي

يا مّا..

وَشمَهْ وَلْفي حُر

يا مّا يا مّا..

اهْوالْ لَمْحبَّة

لاﯕـي لاﯕـي

ياهْ..

يا ربي لاﯕـي

عَزّْ رْفاﯕـي

واهْ..

يْعانـْـﯕـوا اُمّاجْها

واللي ما عْناها

او ها شُطْآنْها

يَصْغى لَحْجارْها

تَلْغى بَشْكاها..

وُخَزّْ عْنادْها

عْذابه زادها

حْزانْ جْراحْها

وبينْ جْنابْها

الـﯕــَـصْبة رْياحْها

حْنانْ دْفاها..

ومْساسْ زْوارْها

حْلا فَ حْواضْها

أنا ﯕـَــلْبي لِها

حْبابي لاّ لِها

واللي ما رادْها

يْروحْ هاوْ يروحْ..

يِروح يَشْرَبْ لَبْحَر

يا مّا يا مّا..

اهْوالْ لَمْحَبّة

مْحَبَّةْ ناسي

واهْ..

حْبابْ الـﯕــَـصْبة

لَهْبالْ.. وما يْدير..

مْحَبَّةْ الطِّير

العايَمْ والسّير

والرّْبيعْ..

والشّْجَر

ومَنْ عْشابْ الضّر

وَلْفَكْ نَعْـثـَرْ

وما تـْجَرْجَرْ

حْمامي ﯕــَـرْﯕــَـر

طارْ..

ﯕــَـــلـْـبي

غاظـْ

نَكـْسَرْ

2

يا مّا يا مّا..

البازْ وعْلاه

والعَزّْ مَ غْلاه

والذّلّ ْ مولاه

يِطيحْ فَ خْلاه

وُيَكْلَخْ فاه..

حْذاهْ وْراه

الضَّحْكْ عَرّاه

لَواهْ لَواهْ..

إلى بـانْ لَغْدَر

شْكونْ يَهْدَر

اسْمَعْ ايوا اسْمع..

يا عْديمْ الظَّل

يا عَبّادْ الذّل

ذاكْ اليومْ يِجيك

مَ رْذالَكْ يَزّيك..

إلى ما عَنْدَكْ ﯕـَــلْب

خْلاكْ لْهيهْ..

 نَكْلَب

رَيَّـﯕـْ ثَمَّة ْ وَانـْـﯕــُـر

شـﯕـّــْ لْهيهْ..

 اغْبَر

هْنا ما لَكْ مْقام

والشّوفْ فيكْ حْرام..

هْنا عَزَّةْ ليّـامْ

وعَز ناسي لكْرام

...

مالَكْ مالَكْ.. ياه

رايَكْ مْوَدَّرْ

يَزّاكْ تْقَفْقيف

راهْ رْﯕــَـبْ الصيف

وانتَ عادْ تْليف

وكْلامَكْ بَسّيف..

بَرْكا مَ التَّخْريف

ما قْريتْ ما تَجْبَر

واهْيا.. اسْمَع..

العود يَعْرَفْ مولاه

وﯕــاعْ مَنْ جاهْ هْواه

ما يْخَيَّبْ رْجاه

.............

وما فْ عينه يَكْبر

اللي منَّهْ سْخَر

3

آهْ يا بويا..

واشْ نْدير..

...

يا رْفاﯕـْ العَشْرة

بونادَمْ الـﯕـَـدْرة

لاّ سَلْعة مُرّة

...

هاوْ كْبيرْ الرّاس

لَحْلاحْ وُلَحّاس

يا ربي تَسْتَر..

 4

يا راحَةْ روحي..

او مالْ ذاكْ التّوت

ﯕَـعـْـﯕَـعْ عَلْ لَطْراف

والخَرّوبْ يِموت..

الزيتونْ.. الصَّفْصاف..

ما حْنا ما زْهَر

وجْياحَةْ لَجْياح

تْعانَقْ ف لَرْياح

جْفَلْ طيري فَرْفَر

5

زْماني يا راسي..

او يا حيرْتي فيه..

ويّاكْ آ راسي..

النخلة.. عَزّْنا لْهيه..

وشْكونْ تَمّْ سْقاها

لَحْبيبة ف الصحراء

تْعَرَّجْ فَ سْماها

تَزْهَرْ ذيكْ الحُرّة

تَعْطيكْ حَبّْ التّْمَر

وُمَنْ كْساها سْتَر

6

واهْ واهْ واه..

آهْ آ قومْ الفيش..

يا ﯕْــنايَنْ العيش..

هْنا رْفاﯕـْ الكُرّيش

وفيهْ حْمامي ﯕـَرْﯕـَـر

آهْ يا ﯕـَلْبي..

والزيتون سْقيه

كُنْ حارَسْ عْليه

لاّ يْوَلّي زَبّوج

شْبابْ أو عـْـﯕـــوز

ومَنْ بْغى يَعْطيه

بين هْنا ولْهيه

لَمْزاحْ يِناديه

واللتْشينْ يِجيه

العَزّْ زينْ النَّظْرة

وكذا مَنْ شَجْرة..

7

وانْتِ يا لالّة..

يا نْوارْ الدَّفْلة

يا السَّرّْ الْمَكْنون

هاوْ جيتَكْ بَالله

سامْحيني وَشْكون

يــِﯕـولْ انْتِ مُرّة

8

يا بْنايَنْ ما كانْش..

العيشْ إلا ﯕـْزيز

خَلّوا النَّحْلة تْزيز

تَرْعى مْ كُلّ ْ زْهَر

مْعَ نْوارْ الشَّمْس

تحْتْ ضَيْ الـﯕـَـمْرة

9

يا وْلادْ النَّدْبة

مُورْ نَكْبة نَكْبة..

ويـنْ الرَّجْلة

يَكْفى بَهْدَلة

يَكْفى مَ الـْحـُـﯕْــرة

10

آحْ.. يا لَحْبيبة

يا رْياحْ الـﯕـَصْبة

هْبوبَكْ جَدْبة

هْوالَكْ مْحَبّة

التّيهْ فيكْ مْعَزَّة

الْحَطّة لاّ بَالرَّزّة

الْداخَّلْ وُ بَرّا

آحْ.. يا لَحْنينة..

لَزّي لَزّي..

رَيّْحيني نَهْنا

ناعَوْريتَكْ نوراني

لَزّي لَزّي..

هَزّي روحي نَبْرا

ما زالْ.. ما زالْ..

أنا ولَهْبالْ..

ما زالْ.. ما زالْ..

لَهْوالْ.. لَهْوالْ..

...

كْلامي تايَهْ ليهْ..

والتّيـهْ ف زْماني ليهْ..

ميزاني طايَحْ ليهْ..

والتّيـهْ ف قْصيدي ليهْ..

لَمْساسْ.. لَمْساسْ..

...

بَرْكاني.. بَرْكاني..

...

يا رْياحْ الـﯕـَـصْبة

لَزّي لَزّي

يا لَحْنينة لَزّي..

هَزّي روحي نَبْرا

هَزّي روحي نَبْرا

...

أحمد اليعقوبي

الشاعر الزجال أحمد اليعقوبي  رفقة القاص أحمد بلكَاسم

©Yamal

زهرة لوعار

© Yamal

-1-

نَـبْـــدا باسـم الله نَـظْـمـي يـا حضـــرة

والصلاة والسـلام عْليهْ طه بـولَـنْــوار

ربـي سَخَّـــرْ لـي ذو بْيـاتي بَ الــراء

عَـزّْ طْيـاري طــارْ يَخْبَـرْني ما صـار

*****

يا السّـامَــعْ اسْمَــعْ طـيـــري مــاذا را

اسْـتـَـلـْـغَ وقـْـرا اسْتـَفْـصَلْ ذو لـَشْعـار

ﯕـَصَّــبْ ﯕـَصّـــابي مَ هْمـومي نَبْــــرا

نـَنـْـﯕـَـــرْ الـﯕـَـــلاّلْ وَنْغَــنّـي بَجْهـــار

 

*****

يا مَجْـمَـعْ لـَـكـْــلامْ يا قــومْ الْـهَـــدْرة

رَفـْعـوا مَنْ لَمْقــامْ وُقــيلــوا لـَعْــيـــار

مالْكــوا يا بَـرْدي ﯕــولوا واشْ طـْــرا

قَـوّيــتـوهْ الـنّـــابْ وُزَدْتـوا لـَـمْــــرار

يَهْــديـكـُــمْ الله واشْ هـاذ الغــمــــرة

اسْتـَحْيوا.. لِيّـاهْ لـْـسـانـْـكـُمْ طـَرْطـار

عْـواجْ لـْكـُـمْ الفُمْ ﯕــولوا واشْ صْــرا

شي يْعَضّْ فْ شي ليهْ تَـزَّرْعوا لَغْيـار

راسـي دَرْدَزْتـــوهْ رانـي في حـيـــرة

كـْبيـرْكـُمْ ثـَـرْثـارْ وصْغيـرْكـُـمْ هَــدّار

الهـــرَجْ المـــرَجْ وانْـتُــــمَ فَ عْــــرا

ديـروا عْـقــولـْكـُـمْ وفـَّـتـْحــوا حِــوار

شوفوا ناسْ النّورْ وَصْلوا لَ الـﯕــَـمْرة

راحـوا لَ النـُّجـومْ يَـكـَّشْـفـوا لـَسْــرار

جَـــرّاوْ الـبُـحـــوثْ في عِـلـْــم الـــذرة

وكـــذا مَـنْ عُـلــوم ف عْماقْ الـبـحــار

وزِدْ الديـجـيـتـــالْ داروا بـِـهْ ثــَـــوْرة

والعالـَـمْ الله ما يْجـيــنـــا مَ خـْــبـــــار

وانـْـتـُـــمَ مــازالْ تـَــدَّرْســــوا بَـــــرّا

عــارْ عْـليـكـُــمْ عــارْ والله يِلا عــار

يـا قـــومْ الـهـَــدْرة يـَـــزّا ثــــرثــــرة

حَكـْمـوهْ اللـِّســانْ ديــروا لـَهْ عْـبـــار

لامـانــة لامــانْ اسَّمْعــوا غي مَــــرَّة

الـرجـــوع لله لـَـحْــنــيـــنْ الغــفـّــــار

اَللي وْصَلْ مَنْكُمْ يَغْطَسْ ف الـﯕــَــدْرة

يَهْــرَفْ وُيَـلـْحَــسْ ما يْخـَـلــّـي آثـــار

اَللي يْجـي بِكـُـمْ يَحْـلـَــبْ البـَــﯕــْـــرة

وتـْـﯕــولوا ماكانـْشْ.. وَزَّعْتوا لـَـدْوار

ويلا واحَــدْ بــــانْ حــازَمْ الـْـغـيــــرة

تـَـتـْـحامـاوْ عْـليهْ مْعَ شْياطـَـنْ كـْـبــار

تــَتـْــقــاراوْ عْـليـهْ دّيــروا شَـوْشَـــرَة

وتـْجيبـوهْ بَــرّا وما تـَلـْـﯕـــاوْ عْـــذار

*****

ﯕـَصَّـبْ ﯕـَـصّـابـي مَ هْمـومي نَـبْـــرا

نـَنـْـﯕـَـــرْ الـﯕـَـــلاّلْ وَنْغَنـّـي بَجْهـــار

*****

ليـهْ الفســادْ ليـهْ الظـُّـلـْــمْ والحـﯕــْــرة

يا اهْـلَ الطـّـُـغـْـيـانْ غَـرّْكـُـمْ الغَـــرّار

ربي يْديـرْ سْبــابْ صاحَــبْ القـُـــدْرة

يَـتـْـبَــدَّلْ الحــالْ وتـْـنـَـدْموا آ فـُـجّــار

اَلْمُـواطِــنْ مَـلّ ْ في ﯕــَـلـْـبَــهْ فــــوْرة

حتى لايَـنْ يَـبْـقى في هَـمّـه مَجْـــرار

شْحـــالْ قَـدّه يَقـْـبَــلْ عيشَـةْ القـُـهْـــرة

يا خْـلادَرْ الشَّـرّ عَنـْـدْكـُـمْ لـَـنـْـفِـجــار

المَسْـكيـنْ مَعْصـورْ جْيوبه مَـنـْخـورة

البـِـطـالـة أُلــوفْ.. اسْـتـَـرْ يا سَـتـّــار

واللي عـافـَـرْ وقـْـرا وجابْ الدكتـورة

خَـلـّيـتـوهْ بْــلاشْ يـِنـَحْــرَﯕـْ بَالـنـّـــار

المـدرسة يا نـاسْ ساسَـتْ مَضْــرورة

والصحة مْريضة شوفوا لَ السّـْبيطـار

فْ كـُـلّ ْ مْكانْ تـْبانْ مْحايَـنْ مَنْثـورة

ويـنْ الـوُعــودْ ويـنْ.. بونـادَمْ نَـكـّــار

كُـلـْـشي زادْ غْـلا البوطـة والكـَـسْــرة

الـدّْوا الضَّــوْ الـْمـا لاتـايْ والسُّـكـّــار

زيـتْ صابـونْ دْﯕيـﯕـْ فاكِهـة خُضْـرة

شوفْ كُلْشي مَطْروحْ فَ السّوقْ الْحَرْحار

وذا بَرّا مَـفـْـﯕـوعْ.. حالتـه مَجْــرورة

صْعابْ عْليهْ العيش وثـْـقـالـَـتْ لَـوْزار

مْجَيَّفْ.. مـَﯕـْطوعْ.. الْماء بَالـﯕــُـتـْـرة

باشْ يَعْتـَقْ الـرّوحْ يَمْشي نصّ نْهـار

وذاكْ ضْحى رحّـالْ لَ مْـدُنْ لـَـمْـرورة

الدْواوَرْ هَجْـروهـا ويـنْ ذيـكْ الـدِّيــار

صْبَحْ عايَشْ فَ الزَّنْكْ لا عْشا لا ستْرة

حْياتُه بْحالْ الفارْ غي بينْ زوجْ امْتـار

-----

وانـْـتـُـم عِمـاراتْ ڤيــلاّتْ وُ شُـهْـــرة

لَوْزينـاتْ وُزِدْ.. فـْـرَمْ ألَـفْ اوْﯕـْـتــار

پـيسينــاتْ كـْبــارْ.. لَمْيــاهْ شَـرْشــارة

لَمّاكـَـلْ شْكـالْ.. والْويسْكي شَـرْشـــارْ

اتّاجْروا فَ السُّمومْ الشّوري والغبـرة

الفسـادْ جَرّيتــوهْ.. ورْسا في لـَغْـــوار

طـْـبايَعْكـُـمْ شِيـنـيــنْ يا وْلادْ الـعـــرة

ما عَنْـدْكـُـمْ ملَّـة يا الـﯕـَـنـْــسْ الغَـــدّار

خـيــرْ ربي موجـودْ لـيـهْ الـفُــقَـــراء

ليهْ قـَـلـَّة الشّـي وكـْنوزْنا بِ لـَكـْـثـار

مَـعــادِنْ سُهــولْ وَدْيانْ وُ صحـــراء

بحر وْطا وجْبالْ.. تاريخْ ناسْ اخْيــار

تـْخـونـوا لـَوْطـَـنْ ليهْ.. ليهْ آ الـغــدّارة

ليـهْ آ عْـبيـدْ المالْ حاميتـوا لـَـشْـــرار

يا سِـياسْ الجـورْ ما عَـنْـدْكـُـمْ جَــذْرة

بْلا سـاسْ بْنيتـوا وعـَـلـّـيتـوا لـَـسْــوار

بْلا ما نْزيدْ نـْـﯕـُولْ كـُلـّـْشي راهْ فْـرى

شْـكـونْ يِداويهــا يا شـافي لـَـضْـــرار

الضر وْصَلْ الـﯕــاعْ.. ما خَلَّصْ كْـراء

الذاتْ عْـليلـة.. ما يَـنـْـفـَـعْهـا تـَـبْخــار

البَـــرْﯕــْ يِلا شـالـى وبَـــدّاتْ الـــزرة

شْكونْ يـَلـْـﯕـى حامولْ الوادْ الْهَرْهــار

واشْ دّيروا ميـنْ طـّـيحوا فَ الْحفــرة

وينْ تـْروحوا ويـنْ تـْـلوذوا بَالـْفـِــرار

*****

ﯕـَصَّـبْ ﯕـَصّـابـي مَ هْـمـومي نَـبْــــرا

نـَنـْـﯕــَـرْ الـﯕــَـــلاّلْ وَنـْغَـنـّـي بَجْهــار

*****

-2-

الـشـعــــب يِـلا رادْ حـْـيـاتــه حـُــــرّة

فـلا بـُــدَّ مـا تـَـسـْــتـَـجـَــبْ لـَـقـْــــدار

ولا بـُــدَّ مـا تـَـطـْـلـَــعْ الـﯕــَـــمْــــــرة

تـَـرْﯕــُـصْ الـنـُّجـومْ ويبـانْ الـْمَـســـار

يِروحْ الليـلْ يِروحْ وتـْـبـانْ البـشْــرى

يَرْﯕــَـبْ الْفـَـجَــرْ وُتـَـشْــرَقْ لـَـنـْــوار

تـَـطـْـلـَـعْ شَمْسْنـا وْتـَـزْيــانْ النـظــرة

تـَـدْفـَـﯕـ ْ العُـيـونْ وتـْـفـَــتـَّـحْ لـَـزْهـار

*****

ﯕـَصَّـبْ ﯕـَصّـابـي مَ هْـمـومي نَـبْــــرا

نـَنـْـﯕــَـرْ الـﯕــَـــلاّلْ وَنـْغَـنـّـي بَجْهــار

*****

بْلادي صْباحْ الخيرْ يا مّـا يا خَضْـراء

صْباحْ الرّْبيعْ كـْساكْ وغْنايَـةْ لـَطـْيــار

تْغَنّي بْ يا سَلامْ فْ حُضْنَكْ يا زَهْراء

تـْعَشَّـشْ عَلْ لـَبْساطـْ وُفـوﯕـْ الأَشْجـار

ذو شْـبـابَــكْ اليــومْ زِيـنــة وعْـمــارة

الاّ عَزَّكْ مَقـْيـومْ بْ ذو اوْلادْ التَّعْمـار

جْبالْ وْطا صَحْراء الْحُومة والدَّشْـرة

رايَـتـْـهُـــمْ ســلامْ ما كــايَـــنْ دَمــــار

صْبـاحْ العَـزّْ والنـّـورْ يا مّــا يا نـورة

صْباحَـكْ بَـنـَّعْمـانْ صْباحْ كـُـلـّه نـوّار

شْبـابَــكْ عَـشْــرانْ فـْهامـة وشْــوارة

شْبـابَــكْ نــورانْ بَـشَّـــرْ يـا بَـشـّــــار

دَﯕـْـدَﯕـْ ﯕــَـلـْبي طـارْ قـَـشْعَـتْ لِنــارة

يا فـَرْحي بَشْبـابْ قـَـشْعْوا كِـ لـَقـْـمـار

احْـلام وُآمـــالْ.. يِـحـَـلـّــيـوْ الـمُـــرة

ذو اوْلادْ السلامْ.. شْكونْ ﯕـالْ صْغـار

يَزَّرْعـوا ف الـْحُـب يَـزْهَـرْ بَالكـَثـْــرة

الـْوَلـْـفْ وُلامـانْ اخْـزَنْ بْـلا تـَسْـيــار

يَـزَّرْعوا ف الخـيـــر يـا مّـا يا خيــرة

ربـي يْعـاوَنـْـهُــمْ يـِجـوزوا لـَــوْعـــار

هذا جيلْ جْديـدْ.. كـْـبيـرْ صْغيـرْ امْـرة

لا عَـبْـدْ وُلا سيـدْ.. ﯕــاعْ حْنـا بَـشَـــ

طاروا الفـوﯕـْ حْـرارْ ذو وْلادْ الحُــرّة

والـْوَطـَـنْ الْـحُــرّ ْ لَ اوْلاده لـَـحْــرار

طِرْ آ طيري طِــرْ مْعَ نـاسْ العَشْــرة

عانـَـﯕ ْ نور الشمسْ يا الطـّيـرْ البَشّـار

رْياحْ الشّـْـتاء حَلاّتْ شَـلاّ مَنْ زَهْرة

وجـاتْ رْياحْ الرّْبيـعْ تـْـفـاجي لـَكـْـدار

نَرْجاوْ صيفْ يِجي حْصاده بْلا سَدْرة

بَـتـْويـزة والشّــانْ نَجْنيـوْ في لـَثـْمــار

يِجي لَخْريفْ يـَلـْﯕـى مْطامَرْ مَطْمورة

ومْعَ لَهْنـا والحـب تـْزَغْـرَتْ لـَـعْــذار

*****

ﯕـَصَّـبْ ﯕـَصّـابـي مَ هْـمـومي نَـبْــــرا

نـَنـْـﯕــَـرْ الـﯕــَـــلاّلْ وَنـْغَـنـّـي بَجْهــار

*****

يـا قـــومْ الـهـَــدْرة يـَـــزّاثــــرثــــرة

خَـلـّـوهْ ﯕـَـلـْبي ياهْ.. لا تـْزيدوهْ جْمـار

لا تـَـنـْـسـاوْ الـزّْمـــانْ ايّــامــه دوّارة

شْحالْ قَدّه يَعْمي بْخورْكـُمْ في لـَبْصـار

ويَــزّاكـُــمْ هْـــزا يـا اللي فَ الــــورا

احْمَدْ طيره فَ سْماهْ..علاهْ ما فيهْ غْبار

مْعَ رْيـاحْ الـﯕـَصْـبـة بانـَـتْ لـَـهْ مـارة

وَبـِحَمْــدِ الله يَـخْـتـَــمْ ذو لـَــشْــعــــار

*******

أحمد اليعقوبي

06 مارس 2011

نصّان عن ريحة لبلاد

1

فرحة بريحة لبلاد

فَتحَتْ لَزْهارْ فاحَتْ

في جْنانْ عَزّي يا سَعْدي

فرحتْ مَ فْراحْ فْروحي

فَرْحة مَنْ ﯕـَـلْبي نابْعة

فاضَتْ دْموعْ سالَتْ

في لَعْشي عْلى خَدّي

وعلاّتْ روحْ مْروحي

وعرجتْ إلى لَ السّابْعة

 

"ريحَةْ لَبْـلاد"

جَمَّعْ لَعْبـادْ

ﯕـَـلْبي عَطْشانْ رْواهْ

حياهْ ماء صافي م حْلاهْ

روحْ لالّة خَضْرة

ثيطَّسْثْ العذراء

جْنانْ مْزَهَّرْ

مْعَطَّرْ

شوفوهْ عَزّي ذا

كي مَ زّينَهْ

قْوامْ الزّينْ

يَخْطَفْ العين

يِجَنَّنْ

زينْ النَّظْرة

عَزّْ طْياري طارْ

خَبَّرْني والعالم الله

وْلِيَّدْ لالّة

ﯕـَـدّْ مْعانيه ﯕـَـدّْ قيمَةْ مولاه

فيه مالَكْ الهيمان

حومانْ فَرْحانْ

مَخْطوفْ وَلْهان

يَدْفـَـﯕـْ بْ حُب فْريد

وﯕـْـلوبْ لَمْحَبّة

والعَزّْ والنّْقاء

تْجاريهْ زاهْية

وهو بينْ شْجاره غرّيد

يا النُّقّادْ واشْ تـْـﯕـولوا..!؟

حكّوا لَعْيونْ

ها شَهْدْ الحياة

هَزّوهْ

القَلَمْ يـِـﯕـَـطَّرْ عْسوله

ف لْيالي مـْـﯕـَمـّْـرة

عَلْ الدّْوامْ تْباتْ جارْية

وشْحالْ قَدّْكُمْ لَحْلاوْتَهْ مَنْ بيضات

 

أحمد اليعقوبي

أبركان، 13 غشت 2011

 كتب هذا النص بمناسبة صدور باكورة الشاعر الزجال عبد المالك المومني

ريحَةْ لَبْلادْ - خَضْرا، وتمت قراءته خلال حفل توقيع الكتاب الذي نظمته

جمعية أبركان للثقافة والتراث يوم 13 غشت 2011 بنادي الليمون بركان

 

2

في حْضانْ لالَّــة خَضْرة

مهداة إلى الشاعر الزجال د عبد المالك المومني

ﯕـَـصَّبْ يا ﯕـَصّـابْ وُدَﯕـْـدَﯕـْ لَهْمـوم

مْعَ روحْ الـﯕــَـصْبـة تَفْـتَــحْ النغـمــة

صُوتْ خويا صُوتْ وُجَـرَّفْ لَهْمــوم

يَطَّـرْطَـــﯕـْ لَفْـقــاسْ تَبْــرَدْ الحــمَّـــة

لالَّة خَضْـــرة مَـنْ حالْـهــا مَهْـمـــوم

عَقْـلي راحْ رْفـيـﯕـْ لـَلـْـﯕـْـمْرة نَجْمَــة

زينْهـا فَـتّـانْ في ﯕـَــلْبـي مَـوْشـــــوم

ارّوحْ نْهيمْ فَ حْضـانْ عَزّْها نَتَّرْمـى

كانْ يا ما كـانْ فَ اليـــومْ الْمَعْــلــوم

انْــوارْ لَمْحَــبَّـــة تَجْمَـــعْ الكَــــلْــمـة

شْعاعْ الْحُبّْ يِطَــلّ ْ ويبانْ الْمَكْتــــوم

والشّْمَـــعْ وَﯕـّــادْ يِنـــاجي بَالْحَكْــمـة

الشّْمَلْ ﯕـْـبــــالْ العيـنْ يِوَلّي مَلْمـــوم

وَنْديـــروا ميعـــادْ لَ رْواحْ اللــمّــــة

تَـتَّنْصَبْ ﯕـْــدورْ الْحُمَّصْ... وَلْحـوم

تَـتْفَـوَّرْ طْعـــومْ مَ حْــلاهــا نَعْـمَــــة

ومْعَ هْياجْ الـﯕـَصْبة والـﯕولْ المَنْغوم

الزّْغـارَدْ تَطْلَـعْ هْنــا ولْهيــه خيــمـة

لَبْنـــادَرْ وَصْهيـلْ والبــارودْ مَشْمـوم

لَغْــوايَــــطْ تَلْغـى تْـقَـــوّي لَعْـــزيمـة

أطْيــارْ الذُّكّـــارْ عَـلْ لَمْكـانْ تْحُـــوم

تْــسَـــبَّــــحْ لله.. لِـــهْ مْــــسَـلّْـــمــــة

كْفـوفْنا للرَّحْمانْ يَـرْحَــمْ ذاكْ اليـــوم

لَبْحاَيَــــرْ تَحْيـى وَتْـــزولْ الغُـــمَّـــة

اللرْضْ عَطْشانة وْمَنْ فيهــا مَحْمــوم

رْجانــا تَدْفَـــﯕـْ وتْـغيــــثْ البَكْــمــــة

تْفيــضْ بَصْفــاهـــا بَفْضَـــلْ القَـيّــوم

لالَّـة خَضْــرة ذيــكْ عيــنْ الـرَّحْـمـة

أَمْـر الله يِكـــونْ وُتَـصْحــا مَ الـنّــوم

حَــتىّ لْقامَتــيـنْ تَطَّــرْطَــﯕـْ بَالْـمــاء

ومينْ تْمَهْمَــرْ يـاهْ يَشْفى كُلّْ مَكْلــوم

تَزْيـانْ الدَّعْــــوة وتَرْجَـــعْ البَسْمـــة

والله يِلا حْكيـــمْ وشــارَبْ لَعْـلــــــوم

لالَّـة خَضْــــرة يَرْحَــــمْ مَنْ سَـــمَّـى

ﯕــاعْ اللي يِجيها لاّ يَضْحى مَغْـــروم

تَرْفَــــعْ زايَــرْهــا ويَشْهَــدْ بَالْهَـمّـــة

والله يِلا حْكيـــمْ وُشــارَبْ لَعْـلــــــوم

لالَّـة خَضْــــرة يَرْحَــــمْ مَنْ سَـــمَّـى

رْواتْ لي ﯕـَلـْبي وَطْلَــعْ ذا الْمَنْظـوم

في وَسْـــط مـيـلّــي نَخْتَـمْ ذا الرّزْمـة

ويـنْ اهْلَ التّاريـــخْ ليهْ جَفَّتْ لَقْـلــوم

ومالْ عيـنْ الحـالْ واشْ فيهــا لَعْمـى

ﯕـَـصَّبْ يا ﯕـَـصّــابْ وجَرَّفْ لَهْمـوم

مْعَ رْياحْ الـﯕــَـصْبــة تَبْـــرَدْ الحمَّــة

أحمد اليعقوبي