29/04/2009

! سمّعْ الطّرشة


¤
الواد العين و الجّنان
جيتهم عَمْر الصبيان
العرس عرس خويَ
صيف ذوك ليّام
صفّ النسوان
و البندير لو كلام
¤
غيظانة
سمّعوا الطّرشة
خبّروها يا لخوان
مانيش ظلاّم
مانيش لوّام
¤
كَصّابي فاجي
خوك ف اهوال
بيني و بين ذوك لَجبال
بحور و ضْباب
إيلا فتّحتْ وردة
تعود تذبال
كَال موّال احمر
لو نشكي ربع ما بيَ
يذوب لحديد عسّاك لحجار
يا الطّرشة عافاك
لا غيظ لا مْلام
خوك منضام
لو صاب يجيك بانظام
حروفها قْنادل اغصان
تْضوّي سْهول و تْلال
حبق و سوسان
ف عيون لحلام
يا الطّرشة سمّعيني
واش بك دارت
الثواني و لَمحان؟

27/04/2009

طير الطرشة

Tarcha  Beni Znassen الطرشة  جبال بني يزناسن
¤


عهدي بـ الطرشه جنه
اثمار و خضار
و فاكيه بنه
و غزلان و حوريات واطيار
تجول حرار
ظفاير بشده
و لا من يتعدى
بقلة حيا و حشمه
رجال ونسا خيار
لا هم لا غيار
أب و ام
و خال و عم
وقريب و جار
محبه و محنَّه
انا ما ظنيت
كل ما فـ الطرشه
م للي شفت و وصفت
غاب و راب
ولآَّ ساب و عاب
الطرشه ما زالا
غزال و غزالا
ترعى احرار
نسا و رجالا
كبار و صغار
حيا و حشمه
شهامه و همه
اثمار وخضار و فاكيه بنه
شاب م لبرار
و حر م لحرار
سمع قولي ف الطرشه
قال : سمعي يا الطرشه
ما قال فيك هايم بيك
لله ما تردي لو خبار
قالت الحورا الفنه
ب صوت ليه حنه
ذاك خليل
ظريف و جميل
من طيور الجنه
غناه رنَّه و غُنَّه
تقي نقي م لطهار
ولا واحد اوفى منو لحبيبو
واحضاني و جناني سبابو
واخبارو فيه و فيَ اخبار
¤
عبد المالك المومني

20/04/2009

رَبع الطرشة

Tarcha Beni Znassen الطرشة بني يزناسن

**
رَبع الطرشة ياكْ رْجع قفار
يا حسرة على حمامات صدحوا فيه
ولد النيليّة خفّاق الجّنحان
بين لغصان كان كالولهان
رَبع الطرشة بان لي منهار
تكَول ما سْكَى فيه زين نهار
شهد الصّابر ع لّحجار زاد مْرار
يا حسرة على عرايس لنوار
يا حسرة على لْذاذاتْ من لوزٍ
و برقوق و باقي لثمار
لو كان جات مو وذنين
تجاوبني باخبار
زين نشدوه شيوخ كثار
يا لحنين يا لّي مضرار
لو كان كَصّابها حاضر
يصوت نْغام
تحكي ع لّرسام اسْرار
يتهوّل واد سكنوه ابرار
بورولّو بالكَول يفيض
و فيه تتكركب لشعار
¤
ريبي يا الواقفات يا لسوار
سبقي عْواصف لقدار
¤
حرّك اجّْمر جيب الغيوان
الزّين يا لّي مسرار

15/04/2009

منامة

Ain Reggada 26.04.06
¤
ف ليله صافيه
وف طريق الساقيه
شفت خيال
ف زينو جنيه
صابني ب هبال
وتبعتو نبغي وصال
من خبالي
نسيت نعالي
ونسيت راسي
حتى لقيت نفسي
جنب عين نايمه
وقالت لي لايمه
بصح ما عرفتني؟
بحال إلى عمرك ما شفتني
أنا الناعسه العذرا
اشحال بيَ همت
وف ماي ياما عمت
يالغدار كبرت ونسيت
وانا ليك ما نسيت
قلت وانا من ذهولي ما فقت
سمحي لي ياعيني
تكفيني من ماك رشه
ونبني بجنبك عشه
ونسكن حذاك
نصبح فيك
ونعشي معاك
وذا عهدي عمري ما ننساك
حضنتني ب حنانها لخليلة
وارتاحت نفسي لعليلة
ذاك منامي الليله
وكل ليله
من نبع خضرا نابع
وطريق ساقيتها تابع
والله يبقي الستر
ويجيب من حالي يعذر
¤
عبد المالك المومني

09/04/2009

الثقافة الشعبية : العدد 5


محتويات العدد الخامس

مفتتح - الثقافة الشعبية في عامها الثاني - مؤشرات النجاح وشروط الإستمرار
الثقافة الشعبية .. البيئة والقيم
سلطة السحر بين التمثل و الممارسة
احتفالية الزواج عند النوبيين
أغاني الأطفال الشعبية و مضمونها التربوي في مملكة البحرين
الحكاية الشعبية في حوض البحر الأبيض المتوسط
البحر في الشعر الشعبي الخليجي رؤية مكانية سوسيولوجية
ديوان التفتاف أو حكايات بغداديات للأب انستاس ماري الكرملي
الرقصات الأفرو - يمنية بحث في افريقانية اليمن الموسيقية
أعلام الطرب الشعبي في البحرين المطرب محمد بن جاسم زويد
في شكوى الزمان و ذم الخلان نماذج من - الموال - في الخليج العربي
حرفة صناعة الحناطير و عربات الكارو - دراسة انثروبولوجية في محافظة الدقهلية
مشروع ذاكرة العالم العربي
جديد النشر في الثقافة الشعبية
إصدارات "نادي تراث الإمارات"
تحية لمهرجان التراث 2009م في احتفائه بالذهب في البحرين
فهرس أعداد السنة الأولى

08/04/2009

! يا الغرّي في الدنيا

غابت حقوق الصحبةكهلال فْى سْحاب * و النفاق مبين و كل ظن خايب
علاش ما نترك من بالي اجْناس الأصحاب * كل مجنون قضى غسله من الْجنايب
¤
يا لْغُرّي في الدنيا كثير الاحباب * عش وحدك تنجى من خُلطة المصايب
¤
ابن ادام الّي تجالسه كلّه نقصان * و الّي تنويه حبيب تصيبه عدوك
يجيك في صفة النّصيحة للختلان * حتى يروي حكاية تمامك و بدوك
لا هو هنا و لا هو من ذوك
إلى ريتيه تقول من الصدقان * و الشر يقول فيك منين مّا جبذوك
منين ما يتبسم كيبان البياض * يدركَ كحال الكَلب و يغرّق الخديعة
و الكلام الّي يدوي لا تكون قبّاض * واش من جا يحكم عواصف سريعة؟
في حديث المجذوب سمعنا فْى الالفاظ * قم و احظ راسك من خاين الطبيعة
كون عايق فايق مهما يجيك نصاب * و لا تكون غاتب في من يكون غايب
جيلنا قال المغراوي ذياب فْى ثياب * و العلايم ظهرت في وقتنا اغرايب
¤
يا لْغُرّي في الدنيا كثير الاحباب * عش وحدك تنجى من خُلطة المصايب
...
ابن سليمان
¤
معلمة الملحون الجزء الثالث
روائع الملحون
ص 378
محمد الفاسي
مطبوعات أكاديمية المملكة المغربية
سلسلة التراث 1990
Rawai3 El malhoun   ملحون