27/02/2009

شهد المشيخة


إلى الشيخ أحمد ليّو البركاني
Ahmed Liou
¤
¤
بسم لكريم
هدّن نفسك
لا تهيّض جْراح
لا دّير فينا ريّان
اجبدْ من بيرالغيوان
ترياق لّمحان
¤
زهو لعراس
نوّار الحلقة
شهد المشيخة
أحمد ليّو
في بركان معلمة
لله يا غزالي
شحال جال شحال غنّى
بعد نسيت الدنيا
يا سايلني لا تسوّل
من ذاق الحبّ كيف يصبر؟
واشْ يبرى؟
¤
نجمع ذوك الأشعار
إيلا طال لعمر
و ندير الكَلاّل ندير الكَصب
ما يْنغصبْ الكَلبْ
آ لغيوانْ اعْطيهم لوجَبْ
المعروضين و لّي بلا عرضة
ما ماتوا فْ حْصيدة
ما خصّْروا تقصيرة
بهم كَاعْ زهاتْ اللّيلة
الزّين أكَمّتاسْ الحنّة
تعريضاتها و شحال فتّانة
ما هوّلتني كيف الكَصبة
¤
كَوّالة وكَصاصبة
كَاع مْسلّمين لشيخنا

22/02/2009

! ذاك الحاسي

Jarrara
¤
¤
البوش يْقرقب
الشوق يوجّع
الحبق ف التّاقة اوراقُه مذبالة
و النعناع البوري خاصّتُه مْويهة
الجّرّارة لَحبل و الرّيّاحة
الجّابية و غيوس اجنابها
النّعاج لبكَر و اصغارها
شوك الحمير مْريقمة و الصّيّادة
الصبيان تحت الكرمة
اهْدايْ أ خودة سْتنّاي لولاية
عجاج الحمري
الحمار و اللاّكي
العمود يشالي
صافي مَ المحنة خالي
كان ذاك الحاسي
لاكَي...لاكَي
¤
مهروسْة ذراع
طايحة ف تريفة
طيفها جاني
في ذَ لْويب يا بير
مَنّك راني
داير قطرة ف الحاسي

17/02/2009

ربـاعـيـات كـلام الـمـعـنــى

Z.Margoum
© Zakia Margoum

1
اسْمَـعْ اسمـع يا الغافـل * كَـْحز الَّهْنـا وحَلْ الوَذْنيـن
عندك لَى تْصيـر حايـل * تتبيـريمـا تْفـوتـك سنيـن


افهـم شـويا آ لغافـل * واش الـراس ولّى يـقـطيـن
مالـك اليـوم هـابـل * بْ ذيك الدفلة مولات الزيـن


اسمـع اسمـع كن عاقـل * لا يغويكشي زْواق التلـويـن
افـرز الى بْغيـت تاكـل * حبّـة الطرونج من اللتشيـن


واش صرى يا الجـافـل * ضْحيت علكـة لأمـة الجـن
ف ذاك الغيس راك واحل * وعـر الغاشي غي فيك يهيـن


ارفع راسك ويـن مايـل * واش وجعـوك ذوك الرجليـن
عمـره ما تكون نـايـل * وانت تزحف كيف الحنْشيـن


بـهَّكَـْ وشُوف فْعايـل * قبـل ما تصبـح م الخاسريـن
اقْـرا مزيـان آ لخايـل * روحه يدري ف مولات السيـن


قـرَّب لا تكون واجـل * ف شوك السكّوم حل العينيـن
وف الهندي شوك هايـل * والمـذاق فيها شحـال بْنيـن
----
الله الله يا ناس المـعـنى * نظـمـي ذا للغـافـلـيـن
امّـا انتـمَ فْ غـنـى * عنـه، راكـو مَ العـارفيـن
2
كَولوا لي يا ناس المعنـى * كَولوا لي وشكـون يـكَـول
اللغـط قـوى علينـا * كَولوا لي واش ذا الشي معقـول
---
شي يتخبط ف شْكـال * مْصايب عيشه امَّحَّن مسكيـن
حوالـه تزيـد تـذبـال * قلـة الشي والدراهـم مْنيـن


وشي ناض صرف البـال * وطلـع ل ابـراج العليـيـن
وصـل الـمـراد ونـال * قبر اخـوتـه وهـم حييـن


زهـو الـدنيـا ميـال * لعجـب كي كان وولى فيـن
ضْعيف الإيـمان مـلاّل * وا يا عجبي وكي ينكَز ف الحين


وواحـد صْبـح خيّـال * ف رمشة وضحى يشير بصبعين
وذاك يزعطـط ويشـال * ويغـز سنيـه بحـرف السيـن


لهْـوال تزيـد تذبـال * ولاخَـرْ ما زال هاز العـكّـاز
المـاضي ورْنيـن المـال * ف وذنه وخى ادّيـر له منغـاز


وواحد ما فْهم ذا الحـال * تلكَـاه ما زال يعشق لعْمـود
راسه غي يزيـد يثـقال * شي نهار يصبح ف ركن مسرود


واللي فيه الفـز قْـفـز * وغلط نكَـز ف الـواد الحـار
طيـري يا طْيـور العـز * ف سْما بـلادي اماين لحـرار


جيـبـو لي الـكَـلال * عْليه انكَـَّـر ونلغى بنْـهـار
بالهـم وليـت كَـوال * نـاس الكَصبـة شعلـوني نـار


يا اللـي دركوا لحـوال * فـهْمـوا كَولي ف هاذ المولود
هاذ الـشـي راه محـال * اولاد بـلادي كلهـم جنـود


سْقـيوا الحوض راه يذبال * زيـدوا غرسـوا زرعوا ورود
لوطـن ديـروه ف البال * ينبت الولـف والطيـر يعـود
3
الله الله يا نـاس المعـنى * راني عْييـت انــا بالكَـول

ناس فْ حيـرة ومحنـى * وكْثير خايفيـن يصْرطهم غول


الله الله يا ناس الـعـزة * واش نـديـر لـذوك النـاس
اللي يفهم غي بغمـزة * والجاهـل زايلـة ثقيـل الـراس
----
اسْمـع خلّينا آ الجاهـل * ب خْريف زْمان حلْ الوذنيـن
عندك لى تْصيـر حايـل * تـتبيريمـا تْفـوتـك سنيـن


قـرَّب لا تكون عـازل * راسك خمَّـم كُونـك رْزيـن
نـُضْ اطْلع فين نـازل * راك طايـح ف البيـر الشيـن


راك إلى صْحَـبْت فاشل * تصبح ذليـل غارق ف الديـن
الفاشـل دايْمـا واحل * مريض ف حاله ف لكوان اينيـن
----
مْعاني لك آ الفـاهـم * وغادي نزيـد لك ف التبييـن
فـيَّـق بها الـنـايـم * قبل ما يصبح ف ظهره سكيـن
----
يا لـمسـكـر راسـه * عندك تـتْغَـرْ بَالخفـافيـش
الصغيـر يفجـر راسـه * والراس لكبير راكَـد ف الريش


خفـاش الليـل واحـد * ف كل شْكـل يقـدر يبـان
يا اللي ف لوهام شـارد * قبل ما تشرب صفـّي مزيـان
----
وطْنـي ذا عـز لوطـان * بعـدوه آ خْفـافـش الليـل
خـلُّوه يعيـش لامـان * حنـا نتفاهمـو بلا دم يسيـل
----
الله الله يا نـاس المعـنى * كَولـوا لي اصل الـداء ميـن
او كيف م بعيـد جانـا * ورْتع ف رْيـوس القاصريـن


الله الله يا نـاس الـعـزة * كَولـوا لي وشْكـون يكَـول
للذيـب عْطـاو معـزة * يحضيهـا واش ذا الشي معقول


وعوَّكَـْ شحال سرحان * وكشـر لنيـاب ف الآمـنيـن
وبالحكمة ضْوات نـوران * حْمامتنـا نجات لها عمريـن
-----
الله يا حْكيـم الـحـال * بـنـوره عليك يزيـد يجـود
تتمكـن عل المحــال * الذات تبـرى وتصْفى م الـدود
4
بـلادي يا عز لـوطـان * اولادك يا امّـا مـجنـديـن
فرسان جْميع شجـعـان * سْيـوف مْهندة كيف تْليـن


كيـف مّا كان زيـنـة * زرْعـوهـا ورد وياسْـميـن
والله نبغيك آجْنـيـنـة * امَّـا لعزيـزة وطنـي لحنيـن


بْغيت يكون فيك لامـان * سْماحـة وسْـلام للآبديـن
تْويزة جُـورة والشـان * وتْعـود تْسيـل مْيـاه العيـن


فيك بـلادي العـربـان * فيك يا امّـا اولاد المـازيـغ
بْكلتهـم فيك تـزيـان * امّـا تَتْعَـزّي وْلا حَدْ يزيـغ


بين لصْخـور ف جْبـال * أنا وانت نابْـتـيـن بـزوج
عْليك نْقـاوم لـهْـوال * ف بحر ظْلام وكَـْـليب الموج

أحمد اليعقوبي

16/02/2009

الكَصب الجوّال

Gasba ناي TamjaGasba ناي Tamja
يا الكَصبة يا مركَومة
يا لّي كنتي ميّادة
مع نسمات العشويّة
شراكَة و غْرابة
جالوا بك الكَوّالة
بعْدَنْ كنتي نوّاحة
بين كيسان القهوجيّة
واش انتي في راحة
و لاّ راكي في هانة

15/02/2009

عام قد مضى


عام قد مضى على إنشاء هذه المدوّنة
15.02.2008
...
و أنا اليوم حريص على استمرارها
و شاكر الأسماء التي ازدان فضاؤها بإبداعاتهم
كما أشكر الزوّار الكرام
راجياً أن يجدوا متعة في الإدراجات
التي أغذي بها هذه الزجليّات
...
و السلام

13/02/2009

! يا الحوتة

Driassa رابح درياسة
¤
¤
يا الحوتة شوّقتيني ف اللّقا * ساهر الليل نبات مقابل البحر
غير تجريي بين الموجات زالقة * و الكَصب عكَابك تجري بلا زهر
و الصيادة في بحر الحبّ غامقة * ما سلك منها غير طويل العمر
يا الحوتة يا بنت العزّ و النبا * نيّتي باه نشوفك غير بالنظر
خاطري شايق و انتيا مقلّقة * رايحة لمسامر لا عكَاب لا زهر
دايرين الطعمة ف الشوك لاصقة * كلّ من يضحك لك مبني عل الغدر
الصيادة في بحر الحبّ غامقة * ما سلك منها غير طويل العمر
يا الحوتة كَولي لي يا اللاّيقة * شارقة فيك نجوم تشهد البصر
ساطعة كي مثل الدرّة مزوّقة * غالية في سومك يا دارة القمر
راهي من شبوبك عينيّ مشوّقة * طول ليلي من الشوق موكَض من السهر
و الصيادة في بحر الحبّ غامقة * ما سلك منها غير طويل العمر
العدا نصبوا لك شبكة مغلّقة * حاذري لا يرميك الموج للخطر
توجد الصنّارة ف القلب راشقة * و بيد صيّادك تتّشواي بالجمر
و كيف نصبر عنّك يوم المفارقة * بعد فقدانك وين نلاكَي الصبر
و الصيادة في بحر الحبّ غامقة * ما سلك منها غير طويل العمر
رابح درياسة
تفريغ شخصي
عن أسطوانة من نشر زاد اليوم


>> Rabeh Driassa : يا الشابة

12/02/2009

! ضوّي يا الكَمرة





ضوّي يا الكَمرة

اكَدي يا الجمرة

زنزني يا بنادر

وينك يا مكاحل

ارقصوا يا شْراشْرة

اتكَرّضوا يا شبّان

يزهى العرعار ينوض العجاج

من الركَادة و احفير و بركان

من أقْوير نْ علاّل

و مسيردة و ثلاث ودّان

اسمع يا الشيخ ارخي لوذان

سبايْسيّة و عرايشيّة و اكَطع

أنا خوك

جرّ عمّر

صحّيت و ارواح

زوج هشيشات

آح كَلبي

*

أقوير ن علال بدوّار المنزل،مركز أشياخ العرفة، في سفح جبال بني يزناسن قرب مدينة بركان

*

مسيردة و ثلاث ودّان من بلدات غرب الجزائر الشقيقة

08/02/2009

! الله يحدّ الباس

Microsillon Aita أسطوانة عيطة
صورة غلاف أسطوانة من أسطوانات أغاني العيطة
عيطة اسمعلية * طار و ليرا : قصبة
أداء : ضونى و الشيخ عبد القادر الموكي
¤¤¤¤¤
عيطة : الله يحدّ الباس
خليل القضيوي الادريسي
>>

راعي الخاوة * كلّ شي يفوت * و تبقى العداوة
¤¤
داخ الراس
الوقت بدّال
الله يحدّ الباس
*
ما كانت على البال
ما يبقى غير الخيال
و أشواق هبيلة
*
ما يدوم حال
الفراق هبال
أيام الفرح قليلة
*
على المحبّة عسّاس
نسوّل الحيوط
نبكي تحت الأغراس
*
زاد وكَيدي
آش دواك
الصبر وصيّة
*
القلب تساس
ما نفع كاس
راب الساس
*
فين ملقاك
يا زين السميّة
*
ملقاك عيدي
فين طلاّتك
تبرد الكيّة
*
وحدي نبكي
الهمّ قرطاس
الضيم تبوريدة
*
مضيوم نشكي
الدموع كاس
سكاتي تعديدة
*
كانوا ناس
غابوا ناس
الله يحدّ الباس
*
سيري سيري
الغدر كساك
يا ليالي الشيّة


ص 68-70
¤
حْكايْتي
زجل
¤
مطبعة ليموريا الدار البيضاء
الطبعة الأولى 2008

07/02/2009

! يا كَصّابي اعمل مرادي

Béni Znassen جبال بني يزناسن
**
حنّوني رْهيف وْ ما جبتوشي
يا كَصّابي اعمل مرادي
نغّمْ منكَوشي تهنى الاكناني
ريحة العرعار دوا لاضراري
و جْبالي لغات لي يا صبري
ليها نفرفرو يا كَمري
ساعفني ما نبقو في ذَ لغمّي
*
الحاسي فيه المدام
و العين منها الأسقام
و القصب غ نغّام
وانا ماشي ملاّل
خويَ يا لّي حدا الأرسام
خوك اعصاتوالانظام

04/02/2009

جمل الناية عضّ كتفي

صهد الجبال دوم ونهش الجاف بنيابه
أهون عليك ياعين، من اللّي مفارج أحبابه
جمل الناية عضّ كتفي و اشتبك نابه
و الحبّ بلده بعيدة، و اشتبكنا به
جالوا غدا العيد، أنا جلت العيد لأصحابه
وايش يعمل العيد للّي له حبيب و بعيد
يا طير خد مني الجواب و اعلا به
لحدّ بلد الحبايب، حطّ به و ارتاح
و إن حدّ سألك و قالك الجواب ده منين
قلّه من اللّي انضنى بالحب و لا نابه
*
الجاف : حيوان صحراوي
جمل الناية : جمل الفراق
*
من أغنية شعبية مصرية
*
من كتاب : زكريّا أحمد
تأليف : صبرى أبو المجد
ص :68ـ69
سلسلة أعلام العرب : 19
المؤسسة المصرية العامة للتأليف و الترجمة و الطباعة و النشر
Zakaria Ahmed زكريا أحمد