30/04/2008

لافيش دي باي : من أغاني الهجرة

الشيخ بنعبد الله على آلة الكَلاّل
مشيت لباري نحوّسْ * خلطّْ للنّوتير و قبضت البيت
البوليس دقّوا عليّ * ف اللّيل و ما عرفت باش تّبليت
طلبوني علّ الكواغط * شافوهم زعما و قلت تهنّيت
قالوا لي ماهوش هذو * لافيش دي باي تجّبدو فيت
قلت لو مسيو اسمح لي * من لبلاد راني كي جيت
رواح تشوف يا حبيبي * قصّة لافيش خبّلتني و بكيت
ذا لافيش واش هو * من عند الباترون جيبو بالذّات
قالوا لي فوت جيبو * و لاّ دبّر يا طفل وين تبات
السّي أحمد يا الشاعر * لخضر كي كيّتو بالكيّات
نخمّم لفراق وطني * رواح تشوف لحالتي كي ولاّت
لافيش دي باي والو * و النّوتير محال لا فيه نبات
البوليس يجيوْ بكري * وين نروح كيتي إلا تلفات
ذا الشّي يانا طرى لي * شوفوا لفرنسا كي ولاّت
عل الخدمة نظلّ نجري * و العشيّة ما نصيبشي وين نبات
ديما في لاكَار مرمي * همّ أولادي جاب لي ذ الشّوفات
غبني غبني كيف نعمل * لا خدمة لا صوالدة لا حياة
تبعت ... ... الهوات * ... ... ...
الدين تركناه والو * و اتّفقنا كَاع عل المعصيات
رواح تشوف يا حبيبي * قصّة لافيش خبّلتني و بكيت
سعدات اللّي عطاه ربّي * هاذ الدنيا قامها بالصلاة
نصبر لحكام ربّي * حتى ياتي يا لخو بالممات
واحد عطاه ربّي * يمشي ف الدنيا مع زوج بنات
وانا ديما نْجرْنط * نخلصها و نروح للسّوليمات
اولادي ف لبلاد قعدوا * واناعاطيها هنا للخبطات
كي نصحى و يجيو قبالي *وانك دانك دانك و دان
ملّيت من تامّرا * من ذا الغربة يا لخو واش دّيت
لو كان الفياج عندي * عمرو لفرنسا لا ولّيت
قلّت صلاتي و ديني * من ذا الخارج واش دّيت
نخدم حتّى في بلادي * و الرزق يجيبو المولى للبيت
رواح تشوف يا حبيبي * قصّة لافيش خبّلتني و بكيت
عييت ما نبالي * حتّ الصحة مشات لي وتهرميت
الفقر هو سبابي * جفّاني من بلادي و جفيت
الغني ديما هاني * وانا شوفوا حالتي كي ولّيت
همّ الغربة و تامّرا * همّ اولادي زدت منهم نكويت
رواح تشوف يا حبيبي * قصّة لافيش خبّلتني و بكيت

***

 نظم : الشيخ لخضر

غناء : الشيخ بنعبد الله الوجدي
Disque microsillon : Fiche de paie
*
La fiche de paie

Cheikh Benabdelah El Oujdi

تفريغ
شخصي عن أسطوانة من 45 دورة

نشر : لحن الجزائر ـ وهران ـ تحت رقم : 10812

29/04/2008

! مع الشّيح

Hassi Milli
*
السّْرحْرحْ جوزْ بها
غطّيها بالرّيش
عاونيهْ يا الرّيح
ما تعطيني ولْهَة
صوتْ يا الشّيخْ
مَنْ كازا
في غْرَضْ ناسي
دّيها مع الشّيح
حطّها ف الحاسي يا خفيف
يجازيك الزّين
يعطيك مويهة يا ظريف
!
*

28/04/2008

الأمل

   محلى م شروب الكيسان * تاي مقـيوم ف صوانـي
وحـديـث يدوربالمـيـزان * بـيـن لـجـواد بمعــانـي


وزاد الـشـيـخ بـنـظامــه * كـلامـه زيـن غـيـوانـي
طبـع لكًـلاس بـنـغـامــه * ورجـع الليـل زهـوانـي
¤¤¤
طلـع القـمـر ف سـمـانــا * م زينـتهــا ليـلـة ضــوات

بضـيـه قـلـوب فرحـانــة * وها لحبـاب كَـاع زهــات


زد آ شــيــــخ كــلـمـنــــا * ايـام غـبـيـنـتـنــا مـشــات
نــواح الـبــوم عــيـانـــا * ف لـيـالـيـه الــدامـســـات
¤¤¤
أنـت مجـدوب بحكـامـك * والدايرين بك كَاع مـلاح

بـالمعـانـي ف نـظـامـك * زد رويــنــا يــا صــــاح


عـد ما كشفـت م سـرارك * كبيرالذيـاب عواكَـه راح
فـتــح الأمـــل بـكـلامــك * عيـونـا ودربنـا وضـاح
¤¤¤
زيـدوا نواصلـو سيـرنـا * والكَمـرة تضوي برهـان

غـدا الـشـمــس تـنـيـرنـا * لشعاعهـا شـوقـي ولهـان


لا خـفـــاش يـخـلـعـنـــا * ولا بــوم ذاك الـمـشـيــان
وبـالمـزيـة جمـيـعـنـــا * نفـرحـو والوقـت يـزيــان

*
Ben3manBarqouqFlower

27/04/2008

الوسْنانْ

Reggada
عيّيتْني يانا لّي ولهان
الرمّان بيَّ بْقى عطشان
خلّيتك مشيتْ لفزْوان
لّي فتّان خلاّني ظمآن
*
ما نشرّحْ ما نملّحْ يا لخوان
الشّيب صاحب الزمان
وانت لّي وسنان
ما تزيد غ لمحان
Ain Reggada : 26.04.06

26/04/2008

! يا موجْ

Casa Atlantic
*
! يا موجْ
إمتى يا موجْ غادي تردني * و ف المرسى غادي تحطني
يكفي هجرة و نار الغربة * عييت م الوحدة و م الغيبة

اشتقت لبلادي يا ربّي * اشتقت لناسها و هواها
توحّشت لحبيبي ولصاحبي * إمتى نوصل نشرب ماها

الموج يمشي يهمس للبر * حامل أحلام البحارة
و انا حلمي يبقى مقهور * مسجون ف لساني يا خسارة

صاحبت الموج و تيّارو * و رميت ف اعماقو الشكوى
بغيتو يحكي لي اسرارو * ما وجدت عندو حتّى سلوى

ألّي وحشت لو كيستنّى * و دموعو على خدّو تفرفر
و تعطى لي ما لو معنى * و راهو ف المرسى ينتظر

بغيت نعانق المدينة * و نمسح وجهي ف حيوطها
و نشمّ أنسامها الحنينة * و نغنّي لجميع سكّانها

ونطوف على كلّ البيبان * وزّع برييّات الأمل
مالية بالأشواق و الإيمان * كلّها حنين للمستقبل

مصّاب نرجع للبلاد وْكانْ * و الريح يساعد المركب
نعمل حضرة ف كلّ مكان * نرتاح م الغربة و العذاب
زجل مغربي


الراحل : حسني الوزّاني
توفي رحمه الله في أكتوبر 2007
ديوان : رياض العشاق
ص : 57
نشر : جمعية تطوان أسمير
الطبعة الأولى ـ 1996

24/04/2008

تاريخ الأمثال و الأزجال في في الأندلس و المغرب

تاريخ الأمثال و الأزجال
في الأندلس و المغرب
بحوث و نصوص
5 أجزاء
محمد بنشريفة
منشورات وزارة الثقافة، الرباط،
2006
*
تحقيق نصوص تراثية و تاريخ ثقافة و أدب مقارن و دراسة لغوية و انطلوجيا... كتاب تاريخ الأمثال و الأزجال في المغرب و الأندلس
لمحمد بنشريفة مزيج دقيق من المذكور كلّه؛ فضلاً عن كونه حصيلة دأب طويل على تحقيق تراث الغرب الإسلامي
و اعتباراً لذلك سيبقى من أهمّ ما صدر في المغرب في ميدان الدراسات التراثية
و بصدوره توضع مادّة تراثية ثرّة و ثمينة أمام دارسي الأدب الشعبي و هواته. فليقدموا على تدارسها و تحليلها
غير أن الانتفاع بمضمون هذا السفر الهام لن يتيسّر للطلاّب إلاّ إذا حملته رفوف مكتبات التأهيليّات بله مكتبات الكليّات


23/04/2008

لو كان الباسبور عندي



صورة التقطت للمرحوم في مسقط رأسه دوار تينيسان
...
قصيدة من ثمانين بيت زجل
موضوعها أحلام الهجرة الوردية و خيباتها المريرة
...

لو كان الباسبور عندي *** نمشي لفرنسا نولي لاباس
منين الباسبور والو *** ما عندي ما ندير يا بنت الناس
لو كان الباسبور عندي *** نركب ف الطايرة و نقطع لبحور
نخدم و ندير لملاين *** نشري لوطو نجيبها ف البابور
لو كان الباسبور عندي *** نقطع لفرنسا و نخدم ف النور
نترفه و نجي لوجدة *** نبني لك حمام و نزيد السور
لو كان الباسبور عندي *** نقطع لفرنسا نزيد لبلجيك
نصفط لك الدراهم *** و انت حرية شكون اينابيك
لو كان الباسبور عندي *** نديك معايا علاش نخليك
نخدم و انتيا حذايا *** ننسى همومي و نتونس بيك
قالت لي يا الراجل *** صنت ليا بغيت نسقسيك
الضفدعة واش قالت *** نهار اللي لمهم المليك
سقساها سيدنا سليمان *** و قال يا مرة واسم بيك
علاش قعدت انتيا *** و الوحوش الكل هربت عليك
قالت لو حروق بطني *** و عز أوطاني خير من بلاد الناس
الدنيا من قبيل تغدر *** هذا زاهي و ذاك قاطع لياس
لو كان الباسبور عندي *** نقطع للمان نولي ريش
نصفط لك البلايز *** حيك النيل يا مرة لا تبكيش
لو كان الباسبور عندي *** ندير الماندة و نرسل دبيش
نشري لك فيلا جديدة *** و نرقدك يا مرة غ ف الريش
لو كان الباسبور عندي *** نديك معايا و ما تقعديش
نردك كي بنات باري *** تمشي ف الزنقة و ما تنعرفيش
لو كان الباسبور عندي *** نكري كرسونة و ما تخدميش
منين الباسبور والو *** و اسمحي لي يا اختي ما عنديش
طلبت الباسبور لخضر *** قالو لي واشتى تعمل بيه
قلت لهم بيه نخطر *** نمشي للخارج و نولي بيه
سهل ربي وافقوني *** و قالو لا ديرشي كي لخرين
احرز الباسبور لخضر *** ويلا بعتو راك تندم ف الحين
ديتو و دخلت نجري *** عل لولاد كاملة فرحوا بيه
قالوا هذا سباب رزقنا *** بونا لا تفرطشي فيه
قلت لهم سامحوني *** و نا خصوني فلوس الفياج
ديت الراديو نبيعو *** و الصينية زدت حتى المقراج
و قالت لي روح تخدم *** نقعد أنا نربي لولاد
لا تنساشي لوصايا *** و احرز روحك راه يصرطك واد
لا تنطاشي اطهلى *** خطرة خطرة تفكر الوالدين
البقرة ايلا بغيتها تحلب لك *** حش لها المرتع الزين
خليت البنت ف القماطة *** و انا خليتني نوح بالعين
اسمع الا بغيت تربح *** لا تهد شاي فينا ذا الدين
مول الفران يلغى *** و مول الحانوت خصو نصيب
مول الكتان واعر *** و مصروفه كالخروف مع الذيب
رفت الباسبور لخضر *** ودعت احبابي مشيت لكار
فراق غزالي يشيب *** ما نحسبش الليل يرجع نهار
ودعت اما و زدت بويا *** و بدات الدمعة ع الخد تسيل
النعمة حارمة عليا *** نخمم النهار و نزيد الليل
قيس العشرة ركبنا *** ف الماشينة ريشوا لعلامات
رفت كفوفي لربي *** عال القدرة نوصلو سلامات
طلبت أنا رجال وجدة *** سيدي معافة و جمع السادات
مول النخلات سيدي يحيى *** و انت قطب م الحوريات
الديوانة فتشونا *** في مغنية لقاونا لاسيراس
تغذينا في تلمسان *** وقت الربعة فرقنا بلعباس
سيدي بلعباس شاهر *** الوالي سيدي اعمر ودعناه
فرقنا قتالين الكرمة *** برج تليلات يا القطب وصلناه
فرقنا السينية لوهران *** الماشينة نزلتنا و مشات
في ماريا اصبحنا *** و نصيبوها مشهرة بالرايات
جبت الباسبور لخضر *** طبعتو و سكنت جوف البابور
رواح تشوف مين قلع *** بدات الموجة تكربع كركور
البحر ايبان غير ظلمة *** توسوس عقلي و قلت تبرديت
تفكرت اما و بويا *** فراق أولادي زدت تنويت
بدات الدمعة تذري *** و الرومية قالت لي واش بغيت
قلت لها سامحيني *** يا مدام أنا اليوم تعديت
شوف النملة مين تطغى *** دير الجنحان و تفرفر بيه
تبقى رتعة للزواوش *** و جميع اللي طار يتغذى بيه
هذي معنى عليا *** في وطني يا اصحابنا كنت بخير
الرزق ايلا بغاك ربي *** يعطيك و لو كنت في قاع البير
منين وصلنا لباري *** قلت لهم كانشي وين نبات
عييت انا ما ندور *** حتى القهوة عمروها لبنات
مشيت للحماس نفطر *** قلت لهم واش هذا مذبوح
قالوا غير لمسكر *** هاذ الشي اللي قبالك مطروح
دخلت لباري نحوس *** شفت الدنيا و لاخرة ف الحياة
يحسن عونك يا المبلي *** و انا رزقي داوه الروميات
الخدمة جاتني بعيدة *** كل عشية نقارع الطوبيسات
نجبر عشايا مودر *** و كسوتي موسخة فاش نبات
نمشي للحانوت نصرف *** ندير السربيس كيما لخرين
كي توصلني النوبة *** نجبر الكارني معمر بالدين
الخدمة جاتني صعيبة *** قلت انا يا نولي جزار
الشهر اللي نقول نربح *** يبقى لي ف الحيط غير المسمار
قلت أنا ندير قهوة *** نجرب زهري بلاك نال
الربح يمشي لي كريدي *** و نزيد أنا نطب في راس المال
خمسة و تلاتين الف *** ف السيمانا نجيبها كل اثنين
اللي كذبني يجرب *** يحسن عونك يا تباع الزين
*
تفريغ شخصي عن اسطوانتي 45 لفة من نشر كازافون و تيشكا فون*
Cheikh Ali Tinissani (1921-2006)
*
زجل و غناء الشيخ علي التنيساني 1921-2006
أداها أيضا الشيخ
أحمد ليو

21/04/2008

بنت المعنى

Zohour Milli



شيـنْ بْـداهـا وُهِيَ زينـة * حُـبْهـا يفـاجي لَكْـروبْ
وَسْطْها عِيـنْ بَنْت المعنـى * بهـا رانـي مَـضْـروبْ


كَـلْـمـة دَّاوي لَـجْـراح * تْجَـنَّـن مـولات الـسَّـرْ
واحـة ..! وُفـيهـا تَرتـاح * كْـمـالْهـا راء فْ لَـخَّـرْ


بـهـا نْـألـف بُـسـتـان * فيـه نَكـشـف لَـسـرار
مـا خْفـى يَـزْهَـرْ ويبـان * وعْليـه تَـطْـلـع لَـنـوار

20/04/2008

لصْفر القندولي

AzazzouAzazzou
¤
اخْفى لشواك
غطّى لَحجار
لصْفر القندولي
يا اغصاني ميلي ميلي
¤
آ حمام الطّرْشة اطْلعْ اطْلعْ
المزروعي عْليه
قْصب الواد راهْ سوّلني
¤
اخْفى لَحزان
غطّى لَمْحان
لصْفر القندولي
يا رياح جْبالي
حاولي حاولي
بعيد عليها بها مبلي
ميلّي حبّي قالت ميلْ لي
¤
¤
الطّرْشة : من قرى سفح جبال بني يزناسن الشمالي
ذكرتها الأهازيج الشعبية
الزين طلع لجّبل و رسّى * في بني محفوظ و الطّرْشة
¤
المزروعي :عازف قصبة من قاطني الطّرْشة
¤
ميلّي : دوّار حاسي ميلّي مسقط رأس صاحب النص

19/04/2008

اللّي على البلا يفتّش


اللّي على البلا يفتّش * كيف يبقى مهنّي
اللّي يخدم الغشّ * آش منّو تجني
الطير بنى العشّ * و لا بدّ كلّ مخلوق يبني
ذبح بيدّو الكبش * و مشى يحفر يرْني
ملّي وجهو تكمّش * ولّى ظهرو محني
إلى شبعت الكرش * تقول للراس غنّي

¤¤¤
مجدوب الزمان

زاوي حسن

الجزء الأول

إصدارات جمعية ملتقى الثقافات بالجديدة
2005

¤
ص :45

16/04/2008

قمر الليل

عبد الله بن كريو الأغواطي
¤
أنطلوجيا صوت المكنون في الشعر الملحون

إعداد : الأستاذ توفيق ومان

منشورات المكتبة الوطنية الجزائرية 2007
ص : 35 ـ 36
***
قمر الليل خواطري تتونّس بيه * نلقى فيه أوصاف يرضاهم بالي
يا طالب عندي خليلة تشبه ليه * من مرغوبي فيه سهري يحلا لي
نبات نقسّم ف الليالي ننظر ليه * يفرق من بينا الحذار التالي
خايف لا بعض السحابات تغطّيه * إذا غاب ضياه يتغيثر حالي
يا سايل عن خاطري واش مسهّيه * مع الريم اللّي جلا قلبي جالي
يا تهواسي خاطري واش ينسّيه * وين الطب اللّي يناسب لاعلالي
ضرّ معاشر كبدي و أنا خافيه * صابر للحمّى الشديدة مذا لي
هذا المرسم كانت الخدّاعة فيه * مسبوغة الأنجال خلاّته خالي
يا ما مهبّلني جيت للمرسم شاكيه * ما جوبني ما سمع لي لسوالي
مرسم ولفي كي خلا و علاه نجيه * نتفكر ما فات يثقب مشعالي
يا مرسولي سير بجوابي و دّيه * و مكّن به الظريفة و اعني لي
هات اخبار لينا كن نبيه * و المارة اللّي بينّا ورّيها لي
سال على محبوبي قلبي سال عليه * سال عليها سال شطانة حالي
قل لها و علاه محبوبك تنسيه * غيظانة شكيت ما كيشي تسالي
مزّقتِ قلبي بشفرة هضمتيه * يوم فراقك صار لي كالهبالي
خيالك عن ظاهر العين رسمتيه * واين ما صدّيت نلقاه قبالي
قدّاش انْ مرسول لي شقيتيه * كرهوك الحسّاد بغض على جالي
نشرت ثوب المحبّة و طيتيه * واه جديد محبّتك يرجع بالي
ودعتك مفتاح قلبي ضيّعتيه * سمطتي عنّي ايّامي و اشغالي
جرّعتيني مرّ ما كنتش نشتيه * ذقت اصناف الحبّ من دون اجيالي
بعيني كنت ننطح المرسم نخطيه * يتفلت منّي الميز و يغدا لي
يتفكر قلبي زمان انْ كنّا فيه * سترونا ليّام و الوقت موالي
ياك حلفت لي يمين و وفيتيه * قلت لي تشتاق ما زال خيالي
صحّ منامك بالوفا كيما شفتيه * تفسيره ما بينّا ظاهر جالي
أنت شفتي ذا المنام أُو فسّرتيه * و علمت بالجايّة قلتها لي
يا عال العليى الباليني تبليه * و اجعل حاله ف المحبّة كي حالي
تزيلف قلب الحبيبة تكويه * و تثقب مشعاله كي مشعالي
تديره شطرين عل النص تساويه * قسمة تدّيها و قسمة تبقى لي
باش تشوف الحبّ و تلوم مواليه * تعرف قدّ اللّي صبر كيما حالي
حبّي عنّي جار ما طقتشي نخفيه * يا نوايه خاطري هذا حالي

14/04/2008

أ من لام؟

Rabab Rayess
من وحي الرباب
مجموعة أشعار وأزجال موسيقى الآلة
الحاج عبد الكريم الرايس
مطبعة النجاح الجديدة
1989 الدار البيضاء
*
أ من لام لا تزيد في اللّوم كلام * العلاّم بالغيوب يدري حالي
بيّن لي ما حيلتي ما عملي * و قل لي ما ريت مثلي سالي
تيّهني هذا الهوى و انحلني * و جعلني ننظم دون اهوالي
ثلث سنين و نرجاك تلين * يا مقنين مالْكي انعم بوصالي
جا حالي متعوب في ترحالي * يا خالي من هذا الغرام اصغ لي
حالي حال من دخل بحر المحال * أو بحال من لا عندو والي
خلاني هذا الهوى كالجاني * و رماني يا أهل الهوى بنصالي
دوّخني تدواخ بعد يقيني * و تركني نرثي على الأطلالي
ذاك اللّي ذاق الغرام يقول لي * يا مبلي هذاك ما جرى لي
*
لم يذكر قائله
المصدر أعلاه
ص : 268

12/04/2008

ما طقت نصبر ما طقت نغدا لها

Lmir Tayeb : ما طقت نصبر ما طقت نغدا لها
*
يا أهل لمحبّة يا ناس لمعاني * نبغي نْسوّلكمْ واسمن دواها
كواتني وحدة كيّ دخلاني * روّحتْ لازرو صيف برجالها
جاني خبرها محتوم بكّاني * و جات عندي و شكات بغرامها
ودّعتني بدموع ويداني * ما طقت يا ذْ الناس لفراقها
قالت لي لحقني للكار و رّاتني * بكرة عل الخمسة ثمّْ نلقاها
ودّعتها بشارة لعياني * تشوف فيّ من الكار باعيانها
غمرة من مشى الكار و هداني * طلبتو يثقّل شويّْ نرواها
قال لي اعذرني يا عشيق بركاني * هذي الساعة ما نطيقش نفوتها
ما طقت نصبر ما طقت نغدا لها
قلت لو اصغ لي نوصيك * يا كار دير مزيّة
اطهلّى غزالي هذيك * تحاول عل المشية
من ضارية نصبر فيك * الكاتبة هذي هيَ
الّقْماق لّي يلاقيك * ارتاح فيه شويّة
يا كارربّي يهديك * اطهلّى المازوزيّة
قال لّي الله يهنّيك * الأمان ضروك فيَّ
ما طقت نصبر ما طقت نغدا لها
ركبوا الناس نسدّوا البيباني * زْكَا و قلّعْ بالرّيم و دّاها
تلفّتتْ لوداعي بالاعياني * بيّ نشغلت الرّيم من بالها
الكار قلّع و بقيت وحداني * ذ الفرقة كتابت ما كان من رادّها
بقيت وحدي يا ناس برّاني * ديما نخمّم و نطوف بارسامها
راني ميثّر و الوحش مضّاني * ما طقت نصبر ما طقت نغدا لها
بالحبّ مكوي و الولف رشّاني * واشْتى يطفّي يا ناس مشعالها
نبات هايم ودّرت مكاني * محال تفرقني صورة خيالها
راني نقارع مرسول ما جاني * يعيد ليَ لخبار كي راها
ما طقت نصبر ما طقت نغدا لها
الحال طال عليَّ * و العقل زاد هبالو
ديما يعذّب فيّ * و لّي يفوت يسالو
حيّ انا كواتو كيّة * الجرح راه حيى لو
يكتب بريّة ... * ............يسالو
يفجي الهمّ عليَّ * لمحان ضروك طالو
ما طقت نصبر ما طقت نغدا لها * واشمن نهار تجي و تلقاني
يزول حزني و نكون قدّامها * نّال قصدي ما كان من سالني
لّي حسدني ما طاق لامثالها * ربّي طلبتك لا تخيّب اظناني
غزالي تجيني ما يطولش غيوبها * يا أهل لمحبّة يا ناس لمحاني
نبغي نْسوّلكمْ واسمن دواها * كواتني وحدة كيّ دخلاني
******

شعر و غناء : المير الطيب الوجدي
Lmir Tayeb 1935-1970
لكَصاصبة : الأخضر الفقير
محمد الشيباني
*
تفريغ شخصي عن اسطوانة 45 دورة
بوسيفون MB 168

11/04/2008

تينيسان


يــا حــبـــابــــي ف الله - طلـعـت فـوغــال عــلاه * شــت بـحـــر صــفـــاه - مَ حــــلاهــــا خـــرجـــــة
كـسـرت النـظـر يـمـان - وبــانــت تــيــنـســـــان * زاد الـشــــوف زيــــان - الله عـــلــى فـــــرجــــــة
إيــــه آ تــيــنــســـــان - ويـــن ابــا عــمــــــران * امـا وجــــدود زمــــان - لـــيـــــام ذي مــــوجـــــة
نــظــمــي ذا آ فـــــلان - عـلــى ذي تـيـنـســـــان * آعـاشـــق الـغــيـــوان - ارجـــا اســـمـــع ارجـــــا
يــا ون يــســقــســـان - خ مـيـســم تـيـنـســـــان * آعــاشـــق الـغـيــــوان - ارجـــــا اســـــل ارجـــــا
أيــدجـــن زي يـــوذان - يـنــاس هــذي زمـــــان * ذو رثـــان أيــيــســــان - اســل مــايـــن يــدجـــــا
يـعــجـــز الانـــســـــان - يــوصـــف بـاللـســـــان * تـكَــول لـوحــة فــنـــان - تـبـهـــر ذا الــمـــرجـــة
ضحيـت فيـها دهـشــان - واقــف جـاري سـيـــان * هـنـا ولهـيـه فــرحـــان - مغـمــور بـالـبــهــجـــة
المـاء جاري صـفـــوان - عــيــــــون وويــــــدان * اغطس روى آعطشـان - هنـــا ولـهـيـــه مـرجــة
الغــرس فيـها نعـشــان - اللـتـشــيــن والـرمـــان * ربـيــع وزهـــر لــــوان - وشـجــــار مـعــــرجـــة
بـالـزرع لمـثـل يـزيــان - كــــرم وعــنــــب دلان * جـنـــان يـشـــد جـنـــان - درجـــة فــــوق درجـــة
مـسيـت فيهـا نـشــوان - نــزهـا وانـا ســرحـــان * دوانــــــي دنـــــــك دان - م عـشـقـهـا مـا تــنـجــا
وُ هـــذي تـيـنـســــــان - ويــنــك يــا بـــركـــــان * خـلـيـــت لـك لـحـــــزان - وكـــروب مـهـــوجــــة
ذا احمـــد تـيـنـســـــان - مـع هــبـالـــه هـيـمـــان * يكَول مـن بــركــــان - نـظــمـه دفـــق كَـرجـــة

*

10/04/2008

بنّعْمان

Ben3man
Ben3man7
يا لمنوّر ف لْفارينة
يا بنّعْمان
خبّرْني حشمان
و لاّ ندمان؟
ويلا تخمّمْ
نوصيك لا ترْفدْ همّْ
راهْ لصّحّة عدمان
واشْ دّيرْ حبيبي
مرّة صاحي
الحالْ مرّة غيمي
Ben3man
ف صفو الزَّمان
ف خدّ العارمْ
فكّرني يا عريس الريحان
و تفتّحْ يا عزيزي
لا تكونْ كيفي
هدّتني لحزان
ما هُو حالْ حالي
مشوّشْ راني
لو كان جْبَرْتْ
مْعك نكونْ فرحانْ
نكونْ لكْ نديمْ الندمان
Ben3man6Ben3man3

09/04/2008

الذبلانة

Rommana RommanaRommana
*
*
يا رمّانة
مالكي هملانة
فعودها يابسة حيرانة
كي قلبي لحزين؟
يا رمّانة
مالكي ذبلانة؟
راوية و لاّ عطشانة
فين السر والزين؟
يا رمّانة
أنت و انا
غدر بنا الزمان وعْمانا
وظْهر لثَرْ علْ لخدّين
يا رمّانة
يا طعم الجنّة
فين الذوق فين البنّة؟
واسمك مذكور ف الدين
يا رّمانة
يا حبّ الهَنا
فيك دْوانا
مال حالك صار شين؟
يا رمّانة
الهمّ بْلانا
والشّيب طْلانا
و السعد جفانا
زهري وزهرك وين
يا رمّانة
لعمرأمانة
و حْنا كلانا
ما فيها لَيْن؟
*
*
©عبد المجيد رزوقي